Alibaba «Bo‘ydoqlar kuni»ning dastlabki 10 soatida 8 mlrd dollar ishlab topdi

Xitoyning Alibaba kompaniyasi 11 noyabr — «Bo‘ydoqlar kuni»da atigi o‘n soat mobaynida 8 milliard dollar ishlab topdi. Bu haqda «Interfax»ga asoslanib «Daryo» nashri xabar bermoqda.

Raqamlar o‘sishda davom etmoqda. Kunning birinchi yarmidan o‘tganda savdo-sotiq hajmi o‘tgan yilgi bayram ko‘rsatkichi — 9,3 milliarddan oshdi. Elektron savdo bozori uchun mazkur raqamlar rekord ko‘rsatkich hisoblanadi.

Eslatib o‘tamiz, oldinroq kompaniyaning xalqaro munosabatlar bo‘yicha vise-prezidenti Jeyms Uilkinson Alibaba «Bo‘ydoqlar kuni»da 10 milliard dollardan ziyod miqdordagi mahsulotlarni sotishni rejalashtirayotgani haqida ma’lum qilgandi.