Toshkentda sovuq: isitish qachon yoqiladi?

Toshkentda havo keskin sovib ketgani sababli aholi orasida isitish tizimining yoqilish sanasi haqidagi savollar ko‘plab yangramoqda. Amaldagi qonunchilikka ko‘ra, ko‘p qavatli uylar uchun isitish mavsumi ko‘chadagi o‘rtacha sutkalik harorat 8 daraja Selsiydan pastga tushib, besh kun davomida shu darajada saqlanganda boshlanadi.

Bu boradagi qaror Qoraqalpog‘iston Vazirlar Kengashi, viloyatlar va Toshkent shahar hokimliklari tomonidan meteorologik xizmatlarning ma’lumotlariga asoslanib qabul qilinadi. Avvalroq ma’lum qilinishicha, ijtimoiy obyektlarda markaziy isitish tizimi 2025 yil 3 noyabrdan, ko‘p qavatli uylar esa 2025 yil 5 noyabrdan yoqilishi rejalashtirilgan.

“Veolia Energy Tashkent” kompaniyasining ma’lumot berishicha, isitish tizimini ishga tushirish bosqichma-bosqich amalga oshiriladi, ya’ni barcha hududlarda bir vaqtning o‘zida emas. Bu tizimda ortiqcha yuklamalarning oldini olish uchun qilingan, biroq shunga qaramay, avariya holatlarini butunlay bartaraf etish imkoni yo‘q.

Isitish tizimi ishga tushirilgan dastlabki kunlarda eski quvurlar yorilishi, radiatorlarning oqishi va kirish yo‘laklarining suv bosishi kabi holatlar tez-tez kuzatiladi. Bu, ayniqsa, eskirgan kommunikatsiyalarga ega uylar uchun dolzarbdir.

Aholiga radiatorlar va quvurlar holatini doim nazorat qilib turish, oqish alomatlarini sezgan zahoti favqulodda xizmatlarga murojaat qilish tavsiya etilmoqda. Bu orada “1055” kommunal masalalar bo‘yicha murojaatlarni qabul qiluvchi markaziy dispetcherlik xizmatining Telegram guruhida aholi tomonidan isitishni yoqish haqidagi talablar ko‘paymoqda.

Kecha ayrim hududlarda, jumladan, Qushbegi mavzesi, Qodisheva 1-kvartal, Rakat mahallasi, Sergeli 7, Qarqamish 1/2 va 2/4, Do‘stlik-1 (Yangihayot), Yunusobod-4 kabi joylarda isitish tizimi qisman yoqilgan edi. Hozirda ko‘p qavatli uylar sovuq.

Eng muhimi, isitish tizimi yoqilgunicha elektr uzilishlari kuzatilmasligi kerak. “Zamin”ni Telegramʻda oʻqing!