Andijon viloyatida xususiy uyda noqonuniy qimor o'yinlari tashkil etilgani aniqlandi. Tezkor tadbir davomida navbatdagi o'yin uchun tayyorlab qo'yilgan tikish pullari ham musodara qilindi. Bu haqda podrobno.uz xabar beradi.
24 yanvar kuni viloyat IIB va Davlat xavfsizlik xizmati hamkorligidagi operatsiya chog'ida Shahrixon tumanida yashovchi 38 yoshli fuqaro ushlandi. U o'z uyini yashirin igorxona sifatida jihozlab, qimor o'yinlari o'tkazish uchun sharoit yaratgani va bundan moddiy manfaat ko'rgani qayd etildi.
Voqea joyidan 10 million so'mdan ortiq naqd pul, 400 dollar, tikish uchun ajratilgan mablag'lar hamda o'yin kartalari daliliy ashyo sifatida olindi.
Holat yuzasidan Jinoyat kodeksining 278-moddasi ("Qimor va tavakkalchilikka asoslangan boshqa o'yinlarni tashkil etish hamda o'tkazish") bilan jinoyat ishi qo'zg'atildi. Tergov harakatlari davom etmoqda, ishtirokchilar so'roq qilinib, vaziyatning barcha tafsilotlari tekshirilmoqda.
Avvalroq Toshkent viloyatining Chinoz tumanida ham shunday yashirin qimorxona faoliyati to'xtatilgani, o'yin ayni paytda to'xtatilganida tikishlar miqdori 140 million so'mga yetgani xabar qilingandi.
“Zamin”ni Telegramʻda oʻqing!
