“Avatar 2: Suv yoʻli” filmi qanday suratga olinganini aks ettiruvchi qiziqarli suratlar

Dunyoga mashhur rejissyor Jeyms Kemeronning “Avatar 2: Suv yoʻli” filmi barcha davrlarning eng kassabop kinokartinalari qatoridan joy oldi. Buning ortida esa katta mehnat va ijodiy jamoaning aql bovar qilmaydigan qiyinchiliklari bor. “Email.ru” nashri filmdagi qiziqarli jarayonlar aks etgan suratlarni e'lon qildi.

^{Foto: “Email.ru”}
“Avatar 2” filmining suratga olish jarayonlariga tayyorgarlik 2012 yilda boshlangan. Virtual ishlab chiqarish boʻyicha nazoratchi Rayan Chempni kichik jamoaning bir qismiga aylandi, chunki u birinchi filmning texnologiyasini suv ostiga moslashtirib, narsalarning texnik tomoni bilan shugʻullanishi kerak edi. Buni amalga oshirish nihoyatda qiyin va ma'lum darajada aql bovar qilmas edi. Jeyms Kemeron filmning ikkinchi qismida harakatlarni avvalgidan ham tezroq holatga keltirdi.

^{Foto: “Email.ru”}
Avvaliga Rayan Chempni aktyorlarni suv ostida qolgandek havoda suzib yurishlari uchun ularni simlarga ulashga qaror qildi. U Jeyms Kemeronga allaqachon amalga oshirilgan gʻoyani koʻrsatmoqchi edi, ammo rejissyor buni faqat suv ostida suratga olish kerakligini aytib, bu taklifni rad etdi.

^{Foto: “Email.ru”}
Rayan Chempni kerak boʻlgan texnologiyani suv ostida ishlab chiqqan boʻlsa-da, u kislorod masalasi bilan bogʻliq holatning echimini topa olmadi. Skuba havo pufakchalari datchiklarga xalaqit berdi, shuning uchun aktyorlar nafaslarini ushlab, suv ostida imkon qadar professional tarzda harakat qilishlari kerak edi.

^{Foto: “Email.ru”}
Butun ekipajni oʻqitish uchun fridayver Kirk Krak mas'ul etib tayinlandi, u bir marta Jeyms Kemeronning oldiga kelib, taniqli rejissyor bilan ishlash umidida unga oʻzining tashrif qogʻozini bergan. Jeyms bir necha yil oʻtgach unga qoʻngʻiroq qildi, biroq bu kutishga arziydi, chunki u ilgari hech qachon bunday loyiha bilan ishlamagan edi.

Kirk suratga olish guruhi bilan bir necha oy vaqt oʻtkazdi va u hech qachon bunday ish qilmaganligini aytdi. U, shuningdek, ikkinchi “Avatar”ni “Akvamen” bilan solishtirib, “Avatar”da hech kim qahramonlarni simga osib qoʻymasligi yoki suv ostidagidek suzib yurishi uchun sochlari yoniga ventilyator qoʻymasligini aytdi.

Aktyorlar suv ostida suzishni taqlid qilish uchun qanday harakat qilishlari kerakligini aniqlash bilan band boʻlgan vizual effektlar rassomlari ham yoʻq edi. “Avatar 2” filmidagi vizual effektlarni yaratuvchi rassomlar jiddiyroq ish qilishgan va aktyorlar filmda koʻrsatilgan muhitda boʻlgani uchun hech narsaga taqlid qilishlari shart emas edi.

^{Foto: “Email.ru”}
Kirk haqiqatan ham juda koʻp ishlagan va 2017 yilda boshlangan 18 oylik suratga olish jarayonida uning qoʻl ostida aktyorlar kamida 250 ming marta suv ostiga shoʻngʻishgan va eng gavjum kunda bir vaqtning oʻzida 26 kishi suvda boʻlgan. Ularning atrofida dengiz hayvonlari tasvirlangan transport vositalari aylanib yurgan.

Kirk uchun eng hayratlanarli lahzalardan biri 69 yoshli Sigurni Uiverning suvga shoʻngʻish paytida kaskadyordan uzoqroq turgani boʻldi. Keyt Uinslet ham xuddi shunday tarzda hamkasblarini hayratda qoldirdi, u “Titanik”ni suratga olish paytida Jeyms Kemeron bilan birga suv ostida ishlagan. Aktrisa “Avatar 2” filmining suratga olish jarayonlarida suv ostida nafasini 7 daqiqadan koʻproq ushlab turib, aktyorlarning rekordini yangiladi.

^{Foto: “Email.ru”}
Filmdagi bosh rollardan birini Edvard Norton oʻynashi mumkin edi, biroq u bu taklifni rad etdi, chunki Kemeron unga faqat inson rolini oʻynashni taklif qilgan, Norton esa Na'vi qabilasidan boʻlgan kimningdir rolini oʻynashni xohlagan. Jeyms Edvard bilan ishlashni davom ettirishni xohladi va unga “Alita: Jasura farishta” filmidan rol taklif qildi.

^{Foto: “Email.ru”}
Birinchi filmda Maylz Kuortch rolini ijro etgan Stiven Leng yana bosh rollardan biriga qaytdi. Uning qahramoni film oxirida vafot etdi, biroq Stiven bu holatdan xafa boʻlmadi, chunki Kemeron uning qahramoni taqdiri davom etishini aytdi.

^{Foto: “Email.ru”}
Stiven Leng koʻplab hamkasblaridan farqli oʻlaroq, suv ostida nafasini ushlab turish bilan maqtana olmadi. Aktyorning soʻzlariga koʻra, u suv ostida 4 daqiqa davomida statik holatda qolishi mumkin, ammo biror harakat qilish kerak boʻlsa, masalan, Sem Uortington bilan jang qilish kerak boʻlsa, bu vaqt juda qisqarardi.

^{Foto: “Email.ru”}
Shuningdek, Stiven Leng Jeyms Kemeron unga filmning beshinchi qismigacha boʻlgan barcha stsenariylarni oʻqishga ruxsat berganini aytdi, shuning uchun u oʻz qahramonining taqdiri haqida barcha tafsilotlarni bilib oldi. “Zamin” yangiliklarini “Telegram”da kuzatib boring