Kataloniyaning “Barselona” klubi rahbariyati hujum chizig‘ini kuchaytirish maqsadida Markus Reshfordni to‘laqonli transfer asosida olish imkoniyatini ko‘rib chiqmoqda. Hozirgi mavsumda angliyalik futbolchi “ko‘k-anorranglilar” safida ijara asosida harakat qilmoqda va jamoa uchun muhim figuralardan biriga aylangan.
Jurnalist Rashad Rahmon tarqatgan maʼlumotlarga ko‘ra, “Manchester Yunayted” rahbariyati ispan klubiga aniq shart qo‘ygan. Unga ko‘ra, “Barselona” Reshfordni doimiy ravishda saqlab qolishni istasa, 30 million yevro to‘lovni amalga oshirishi shart. Aks holda, futbolchi mavsum yakunlangach Angliyaga qaytariladi.
Shu bilan birga, Reshford bu mavsumda yaxshi statistika ko‘rsatmoqda. U 43 ta o‘yinda maydonga tushib, 12 ta gol urdi hamda 13 ta golli uzatma bilan jamoa hujumida muhim rol o‘ynadi. Uning barqaror formasi “Barselona” murabbiylar shtabi eʼtiborini yana-da kuchaytirgan.
Hozirda transfer masalasi klub rahbariyati tomonidan chuqur tahlil qilinmoqda. “Barselona” kelajak rejalarida Reshfordni saqlab qolish muhim qadam bo‘lishi mumkin, biroq moliyaviy shartlar bu qarorga taʼsir ko‘rsatishi ehtimoldan xoli emas.
“Zamin”ni Telegramʻda oʻqing!
