Belarus chempionati peshqadami “Shaxtyor” klubi o‘zbekistonlik Jasur Yaxshiboyevning jamoa safiga qo‘shilganini rasman e’lon qildi.
Jasurning transfer huquqi hamon “Paxtkor” jamoasiga tegishli. Yil boshida Yaxshiboyevni “Energetik-BGU” ijaraga olgan edi. Poytaxtliklar safida 14 ta uchrashuvda maydonga tushgan hamyurtimiz to‘qqizta gol va uchta golli pas muallifi bo‘ldi va bu ko‘rsatkich bo‘yicha chempionat yetakchisi hisoblanadi.
Yaxshiboyevning Soligorsk jamoasidagi ijarasi mavsum oxirigacha davom etadi.
O‘zbek to‘purari yangi jamoasida 22-raqamda to‘p suradigan bo‘ldi. O‘z navbatida, Jasur Yaxshiboyev dastlabki taassurotlari bilan o‘rtoqlashdi.
"Soligorsk shahriga, “Shaxtyor”ga kelganimdan xuransandman. Turli variantlar va gap-so‘zlar bor edi. Xususan BATE va “Dinamo” jamoalari haqida ham ma’lumotlar tarqalgandi. O‘zimga “Shaxtyor” ma’qul keldi. Oilam bilan ham maslahatlashdim. Hammamizga shu variant yoqdi.
Endi Soligorskda yashab, shahar bilan yaqindan tanishamiz. Har bir futbolchi Yevropa Chempionlar ligasi, Yevropa ligasi kabi yuqori nufuzli musobaqalarda o‘ynashni istaydi. “Shaxtyor” shu musobaqalarga chiqishga da’vogar ekanini bilardim.
Hozir hamma to‘purar bahsidagi raqobatchim Vitaliy Lisakovich bilan birga qanday o‘ynashim haqida qiziqyapti. To‘g‘risi, hozir bilmayman. Eng muhimi, jamoa g‘alaba qozonishi kerak. Har ikkimizda ham gol urish uchun imkon bo‘ladi. Eng avvalo, jamoaning umumiy manfaati haqida o‘ylash lozim. Shaxsiy ko‘rsatkichlar keyingi masala.
Men “Shaxtyor”ga yordam berishim, o‘zimni ko‘rsatishim kerak. Chempionlikni qo‘lga kiritishni istayman. Asosiysi, mana shu", - dedi Jasur Yaxshiboyev.
“Paxtakor” tarbiyalanuvchisi Jasur Yaxshiboyev O‘zbekiston milliy terma jamoasiga nomzod futbolchi hisoblanadi. U mamlakatimiz bosh jamoasi safida ikkita uchrashuv o‘tkazgan.
Jasur “Shaxtyor” tarkibidagi ilk uchrashuvini 11 iyul kuni “Gorodeya” jamoasiga qarshi o‘tkazadi. Soligorsk jamoasi 30 ochko bilan musobaqa jadvalida peshqadamlik qilmoqda.
Manba: Sports.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
