Xitoyning ilg‘or texnologik kompaniyasi — UBTech Robotics dunyoda birinchi marta o‘z akkumulyatorini mustaqil ravishda almashtira oladigan Walker S2 insonsimon robotini ommaga taqdim etdi. Ushbu yangilik texnologiya ixlosmandlari va robototexnika sohasidagi mutaxassislar orasida katta qiziqish uyg‘otdi, deb Zamin.uz xabar berdi.
Ushbu robot haqida batafsil ma’lumotni South China Morning Post (SCMP) e’lon qildi. Manbaga ko‘ra, Walker S2 nazariy jihatdan inson aralashuvisiz kunu-tun ishlay oladi, chunki u energiya manbaasini mustaqil tarzda yangilash imkoniyatiga ega.
Qisqa video lavhada robot belgilangan vazifalarni bajarganidan so‘ng avtomatik tarzda zaryadlash stansiyasiga yaqinlashadi, ortidagi bo‘shagan batareyani chiqarib oladi, yangisini o‘rnatadi va harakatni davom ettiradi. Bu jarayon to‘liq avtonom tarzda amalga oshiriladi.
Eng diqqatga sazovor jihat shundaki, Walker S2 energiya ta’minoti bo‘yicha qarorni ham o‘zi qabul qiladi. U oldida turgan vazifalarni tahlil qiladi va akkumulyatorni darhol almashtiradimi yoki uni korpusdan chiqarmasdan zaryadlovchi stansiyada kutish kerakligini mustaqil belgilaydi.
UBTech Robotics vakillariga ko‘ra, ushbu robot sun’iy intellekt, sensor tizimlari va harakat nazorati sohalaridagi so‘nggi yutuqlarni birlashtirgan. U yurish, yuk ko‘tarish, hatto muloqot qilish imkoniyatiga ega bo‘lib, energiya boshqaruvi borasida ham inqilobiy imkoniyatlarni namoyon qilmoqda.
Walker S2 nafaqat inson ko‘rinishiga ega, balki inson kabi vazifalarni mustaqil bajara oluvchi sun’iy ongli qurilmadir. U kelajakda sog‘liqni saqlash, ishlab chiqarish, xizmat ko‘rsatish va logistika sohalarida keng qo‘llanishi mumkin.
Xitoy kompaniyasi ushbu loyiha orqali global robototexnika sohasida yangi mezon yaratmoqchi. Walker S2 texnik, vizual va funksional jihatdan avvalgi robotlardan tubdan farq qiladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
