Microsoft kompaniyasi "Windows 11" operatsion tizimining "Pusk" menyusini yangilashni rejalashtirmoqda. "Windows Central" nashrining ma'lumotlariga ko'ra, tizimning ushbu qismi texnik jihatdan butunlay yangilanadi. Bu haqda Ixbt.com xabar beradi.
Yangi versiyaning tashqi ko'rinishi avvalgiga o'xshash bo'lsa-da, sozlamalar imkoniyatlari kengaytiriladi. Foydalanuvchilar menyuning kichik yoki katta variantlarini qo'lda tanlashi, shuningdek, tavsiyalar lentasi va barcha ilovalar ro'yxati kabi bo'limlarni yoqish yoki o'chirish imkoniyatiga ega bo'ladilar.
Hozirgi vaqtda "Windows 11"da menyu hajmini operatsion tizimning o'zi belgilaydi, yangilanishdan so'ng esa ushbu tanlov foydalanuvchi ixtiyoriga topshiriladi. Bundan tashqari, menyuning ishlash tezligi oshiriladi va tizimga yuqori yuklama tushgan holatlarda ham u tezroq javob beradigan bo'ladi.
“Zamin”ni Telegramʻda oʻqing!
