Kingston 512 Gb gacha xotiraga ega bo'lgan arzon fleshkalarni namoyish etdi
Kingston kompaniyasi yangi "DataTraveler Эходиа DTXG2" nomli arzonga flash xotira liniyasini taqdim etdi. Ushbu qurilmalar 6 maydan sotuvga chiqadi va 64, 128, 256 va 512 GB variantlari mavjud. Ular USB-A ulanishi va USB 3.2 Gen 1 interfeysi bilan jihozlangan bo'lib, o'qish tezligi 50 MB/s, yozish tezligi esa 5 MB/s ni tashkil etadi. Eng arzon model narxi 9 dollar, eng yuqori xotira variantining narxi esa 61 dollarni tashkil etadi.
"Kingston" kompaniyasi "DataTraveler Exodia DTXG2" nomli yangi flesh-xotiralar liniyasini taqdim etdi. Qurilmalarning rasmiy sotuvi 6 may kuniga rejalashtirilgan. Bu haqda Ixbt.com xabar beradi.
Yangi fleshkalar klassik USB-A ulagichi va USB 3.2 Gen 1 interfeysi bilan jihozlangan. O'qish tezligi soniyasiga 50 megabaytni, yozish tezligi esa 5 megabaytni tashkil qiladi.
Ushbu qurilma og'ir loyihalar uchun emas, balki hujjatlar va kichik fayllarni ko'chirishga mo'ljallangan.
Liniya 64, 128, 256 va 512 gigabaytli versiyalarni o'z ichiga oladi. Eng arzon model narxi 9 dollarni tashkil qilsa, eng yuqori xotiraga ega variant 61 dollarga baholanmoqda.
Qurilma ixcham korpusga ega bo'lib, unga brelok taqish uchun maxsus halqa o'rnatilgan. Shuningdek, ulagichni himoya qilish uchun olinadigan qopqoq ham mavjud.
Izohlar 0
…