Rossiyaning DNS riteyleri yangi Xiaomi 17T va Xiaomi 17T Pro smartfonlarining narxlari hamda toʻliq texnik xususiyatlarini muddatidan avval eʻlon qildi. Maʻlumotlarga koʻra, Xiaomi 17T modelining 12/256 GB xotiraga ega boshlangʻich versiyasi taxminan 50 ming rubldan sotuvga chiqadi. 512 GB xotirali talqini esa biroz qimmatroq boʻladi. Xiaomi 17T Pro modeli esa 12/256 GB varianti uchun 68 ming rubldan boshlanib, 1 TB xotirali eng yuqori talqini 83 ming rublgacha baholanmoqda. Bu haqda Ixbt.com xabar beradi.
Xiaomi 17T smartfoni 6,59 dyuymli OLED displey bilan jihozlangan boʻlib, u 2756 x 1268 pikselli aniqlik, 120 Hz yangilanish chastotasi va 3500 nit maksimal yorqinlikni taʻminlaydi. Qurilma MediaTek Dimensity 8500-Ultra protsessori asosida ishlaydi. Kamera qismida Leica bilan hamkorlikda yaratilgan 50, 50 va 12 megapikselli datchiklar oʻrin olgan. Shuningdek, 6500 mAs sigʻimli akkumulyator 67 vattli tezkor quvvatlash texnologiyasini qoʻllab-quvvatlaydi.
Xiaomi 17T Pro modeli esa yanada kuchliroq MediaTek Dimensity 9500 platformasiga ega boʻldi. Uning 6,83 dyuymli OLED ekrani 144 Hz chastotada ishlaydi. Akkumulyator sigʻimi 7000 mAs gacha oshirilgan boʻlib, u 100 vattli simli va 50 vattli simsiz quvvatlash imkoniyatiga ega. Har ikkala smartfon IP68 suv va changdan himoya standarti, NFC va Android 16 asosidagi HyperOS 3 interfeysi bilan taʻminlangan.
“Zamin”ni Telegramʻda oʻqing!
