Онанинг бепарволиги уч ёшли бола ўлимига сабаб бўлди
Мексиканинг Мехикали шаҳрида уч ёшли бола онасининг эътиборсизлиги туфайли ёпиқ машинада 12 соатдан ортиқ вақт давомида қолиб кетиши оқибатида ҳалок бўлди. Тергов маълумотларига кўра, кечаси уйга қайтгач автомобилда болалар ўриндиғида хавфсизлик камарига боғланган ҳолда унутилган бола эртаси куни соат 13:30 атрофида топилган.
Фото: Видеодан кадр
Она фарзандини машинада 12 соатга унутиб қолдирди. Оқибатда 3 ёшли бола ҳалок бўлди.
Воқеа Мексиканинг Мехикали шаҳрида юз берган. Тергов маълумотларига кўра, бола онаси билан кечаси уйга қайтгач автомобилда қолиб кетган. У болалар ўриндиғида хавфсизлик камарига боғланган ҳолда бўлган ва 12 соатдан ортиқ вақт давомида ёпиқ машинада қолган.
Эртаси куни соат тахминан 13:30 да бир аёл автомобил ичидаги болани пайқаб, ёрдам чақирган. Воқеа жойига етиб келган шифокорлар болада ҳаёт аломатлари йўқлигини аниқлаган. Шифокорлар боланинг танасида куйиш изларини қайд этган. Ўлимнинг асосий сабаби сифатида иссиқ уриши кўрсатилган. Ҳодиса куни ҳаво ҳарорати 33 градусдан ошган.
Мутахассислар ёпиқ автомобил ичида ҳарорат қисқа вақт давомида ҳаёт учун хавфли даражага етишини таъкидламоқда. Ҳолат юзасидан тергов ишлари бошланган.
Изоҳлар 0
…