23:30 / 01.11.2018
6 031

Миср эҳромлари қандай қурилгани сири очилди

Миср эҳромлари қандай қурилгани сири очилди
Қоҳирадаги Шарқ археологияси Француз институти ва Англиядаги Ливерпул университети олимлари қадимий мисрликлар эҳромларни қуришда фойдаланганлари тахмин қилинаётган қурилмани топишди.

Археологлар мисрликлар алебастр олган, Луксор яқинидаги карьерлардан бирида катта юкларни кўтариш учун қўлланган бўлиши мумкин бўлган пандус изларини топишган. Топилманинг тахминий ёши 4,5 минг йилга баҳоланган.

Конструкция марказида қия ҳолдаги майдонча бўлиб, унинг икки томонида зинапоялар ва тешиклар бўлган. Тешикларга ёғоч ходалар тиқилиб, улар атрофида арқон ўралган бўлиши мумкин. Кўп тонналик блоклар ёғоч “чана”ларга маҳкамланган. Шундан кейин қурувчилар арқонларни тортиб, блокларни 20 градус бурчак остидаги майдонча бўйлаб суришган.

Олимлар аввал ҳам мисрликлар бундай конструкциядан фойдаланган бўлишлари мумкинлигини тахмин қилишган, бироқ бу тизимни илк бор аниқлашди.

Миср эҳромлари сайёрамизда ҳозиргача сақланиб қолган энг қадимий тош иншоотларидан бири бўлиб, унинг катта қисми фиръавнлар учун дахмалар сифатида қурилган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Миср эҳромлари қандай қурилгани сири очилди