Бокс. Абдумалик Ҳалоков Қозоғистон вакилини мағлуб этиб, Осиё чемпионига айланди (видео)

^{Фото: ASBC}
Иорданиянинг Амман шаҳрида бокс бўйича Осиё чемпионатининг финал баҳслари 12 ноябрь, шанба куни бўлиб ўтмоқда.

-57 кг вазн тоифасида Ўзбекистон шарафини ҳимоя қилган Абдумалик Ҳалоков финалда Қозоғистон вакили Серик Темиржановга қарши рингга кўтарилди.

Биринчи раунд 3:2 ҳисобида қозоғистонлик боксчининг ҳисобига ёзилди. Иккинчи раундда Ҳалоков тўлиқ устунликка эга бўлди. Учинчи раундни ҳам ўзбекистонлик боксчи ўз фойдасига ҳал қилди.

Якунда Абдумалик 4:1 ҳисоби билан ғалабани қўлга киритди ва Ўзбекистон ҳисобига битта олтин медални ёздириб қўйди.

Аввалроқ Ҳасанбой Дўстматов қозоғистонлик Сакен Бибосиновни мағлуб этиб, олтин медалга эга чиққани хабар қилинганди.

Яна беш нафар ўзбекистонлик боксчи 12 ноябрь куни финалда иштирок этади:

-63,5 кг: Руслан Абдуллаев — Шива Тҳапа (Ҳиндистон) (16:30 дан сўнг)
-75 кг: Саиджамшид Жаъфаров — Нурқанат Райис (Қозоғистон) (17:15 дан сўнг)
-80 кг: Одилжон Аслонов — Ҳуссейн Эйшайш (Иордания) (17:30 дан сўнг)
-92 кг: Мадиёр Саидраҳимов — Айбек Оралбай (Қозоғистон) (18:00 дан сўнг)
+92 кг: Лазизбек Муллажонов — Камшибек Кункабаев (Қозоғистон) (18:15 дан сўнг)

Абдумалик Ҳалоков, Бокс, Осиё Чемпионати, Серик Темиржанов, Финал «Замин» янгиликларини «Вконтакти»да кузатиб боринг