7 172
ЕЧЛ чорак финалида футбол оламини ларзага келтирган натижа: амалдаги чемпион “Реал Мадрид” Лондонда “Арсенал”дан 0:3 ҳисобида мағлуб бўлди. Бу — “қироллик клуби” учун нафақат натижа, балки руҳий зарба ҳам бўлди.
15 марта чемпион бўлган жамоа шунчаки таслим бўладими?
Аслида, “Реал” учун ЕЧЛнинг бу босқичи “таниш йўл”. Улар тарихда 15 марта мусобақа ғолиби бўлган. Бироқ “Эмирейтс”даги натижа жамоанинг кейинги босқичга чиқиш эҳтимолини жиддий равишда пасайтирди.
Шу боис, учрашувдан сўнг Килиан Мбаппе, Винисиус Жуниор, Федерико Вальверде ва Жуд Беллингем каби жамоа етакчилари махсус йиғилиш ўтказишди.
“Биз — Реалмиз!”
La Sexta ва El Chiringuito манбаларининг ёзишича, юлдуз футболчилар жамоадошларини руҳлантиришга ҳаракат қилган. Улар:
“Биз — Чемпионлар Лигасида 15 марта ғалаба қозонган ‘Реал’ футболчиларимиз. Буни унутманг!” — дея таъкидлашган.
Реванш режаси тайёр: 15 дақиқада — гол!
Мбаппе ва бошқа етакчилар “Сантьяго Бернабеу”даги жавоб учрашувининг дастлабки 15 дақиқасини ҳал қилувчи палла, деб баҳолашмоқда. Улар жамоадан тезкор гол талаб қилишган. Агар жавоб ўйини шундай руҳда бошланса, “Арсенал” учун кеча осон кечмаслиги аниқ.
Жамоа аъзолари ушбу чиқишларни олқишлар билан қарши олган ва “Бернабеу”даги тўлиқ мухлис қўллови билан имконият ҳали йўқ эмаслигини таъкидлашган.
Катта жавоб учрашуви қачон?
“Реал” ва “Арсенал” ўртасидаги чорак финалнинг жавоб ўйини 16 апрель куни Мадриддаги “Сантьяго Бернабеу” стадионида бўлиб ўтади.
Сиз нима деб ўйлайсиз — “Реал” тарихда яна бир мўъжизага қодирми? «Замин»ни Telegram’да ўқинг!
23:46, 5-04-2025
