18 991
Саудия Арабистони чемпионатининг 27-турида “Ан-Наср” ўз майдонида “Ар-Риёд”ни 2:1 ҳисобида мағлуб этди. Иккала гол ҳам 40 ёшли Криштиану Роналду томонидан киритилди, айниқса иккинчи гол мухлисларни ҳаяжонга солди.
Пирс Морган: “Биз Роналдуни олишимиз керак эди”
Машҳур британиялик журналист, телевидение юлдузи ва “Арсенал”нинг ашаддий мухлиси Пирс Морган Роналдунинг дублидан сўнг ўз фикрлари билан ижтимоий тармоқда ўртоқлашди.
“Ачинарлиси шундаки, Арсенал менинг маслаҳатимга қулоқ солмади. Криштиану МЮдан кетганида бизга келишга тайёр эди. Агар ўшанда уни олганимизда, эҳтимол 3 марта чемпион бўлган бўлардик”, — деб ёзди Морган.
Унинг сўзларига кўра, Роналду ҳозир ҳам дунёдаги энг яхши якунловчилардан бири ҳисобланади.
“Арсенал”га маслахат берилган, аммо...
Морган аввалроқ ҳам бир неча бор “Арсенал” раҳбариятини Роналдуни жамоага таклиф қилишга чақирганди. Аммо клуб бу ҳаракатни амалга оширмади ва Роналду Саудиянинг “Ан-Наср” жамоасига йўл олди.
Ҳозир эса Роналду: 933 та расмий гол, жаҳон тарихидаги энг кўп гол урган футболчи мақоми ва ҳар бир янги тўпи билан янги тарих ёзмоқда.
Мухлислар нима дейди?
Футбол ишқибозлари Морганнинг фикрига асосан иккита гуруҳга бўлинди:
- “Роналду келганида Арсенал чемпион бўларди”, дейди баъзилар,
- Бошқалар эса “У 40 ёшда, бизга ёш қони керак”, деб жавоб қайтармоқда.
Бир нарса аниқ — Криштиану Роналду ҳали ҳам футболни жонлантира олади. «Замин»ни Telegram’да ўқинг!
23:46, 5-04-2025
