Франция чемпионатининг 21-турида «ПСЖ» «Марсель»ни 5:0 ҳисобида енгган (8 февраль, «Парк де Пренс») баҳсдан кейин парижликлар мухлислари сабаб клуб интизомий муаммога дуч келиши мумкин. Бу ҳақда Le Parisien хабар берди. Бу ҳақда euro-football.ru хабар беради.
Учрашув давомида трибунадан рақибга қаратилган ҳақоратли шиорлар янграгани, шунингдек мазмуни шунга яқин баннерлар намойиш этилгани айтилмоқда. Айрим иборалар ирқчилик сифатида ҳам талқин қилиниши мумкин, бироқ манба суҳбатлашган ҳуқуқшунос бунга исботлаш осон эмаслигини қайд этган.
Ўйин якунига 20 дақиқа қолганда кўплаб фаерлар ёқилгани сабабли учрашув вақтинча тўхтатиб турилган. «ПСЖ» раҳбарияти эса ўйиндан олдинроқ мухлислардан бундай ҳаракатлардан тийилишни сўраб, вазиятни олдиндан жиловлашга урингани таъкидланди.
Аввалроқ клуб мухлислари «Париж» ФКни ҳақоратлаганидан сўнг «ПСЖ» трибунанинг бир қисмини ёпиш жазоси билан жазолангандИ. Энди шунга ўхшаш ҳолат яна такрорлангани фонида 18 февраль куни маҳаллий Интизомий қўмита худди шундай чорани қўллаши эҳтимоли юқори экани қайд этилмоқда.
“Zamin”ни Telegram'да ўқинг!
