Франция чемпионати 21-тури доирасида 8 февраль куни Париждаги “Парк де Пренс” стадионида ўтган “ПСЖ” — “Марсель” учрашувида (5:0) майдондаги натижадан ташқари, трибунадаги ҳолатлар ҳам эътиборни тортди. Le Parisien хабарига кўра, бу сафар пойтахт клуби мухлислари салбий томондан ажралиб қолди. Бу ҳақда euro-football.ru хабар беради.
“ПСЖ” тарафдорлари рақиб жамоа шаънига ҳақоратли шиорлар айтиб, худди шундай мазмундаги баннерларни намойиш қилди. Айрим иборалар ирқчилик сифатида баҳоланиши мумкин, бироқ манба суҳбатлашган юрист буни исботлаш амалда қийин бўлиши мумкинлигини таъкидлаган.
Ўйинга якунига 20 дақиқа қолганида кўплаб фаерлар ёқилгани сабабли учрашув вақтинча тўхтатилди. Клуб раҳбарияти матч бошланишидан олдин ҳам мухлислардан бундай ҳаракатлардан тийилишни сўраб, вазиятнинг олдини олишга уринган.
Аввалроқ “ПСЖ” мухлислари “Париж” клубини ҳақоратлаганидан сўнг жамоа трибунанинг бир қисмини ёпиш билан жазоланган эди. Энди воқеа яна такрорлангани фонида, 18 февраль куни маҳаллий Интизомий қўмита худди шунга ўхшаш санкция қўлламаслиги учун асослар деярли йўқ.
“Zamin”ни Telegram'да ўқинг!
