Ҳозир Бразилия терма жамоаси билан ишлаётган таниқли мураббий Карло Анчелотти Криштиану Роналду ҳақида фикр билдирди. Бу ҳақда euro-football.ru хабар беради.
Анчелоттининг айтишича, португалиялик ҳужумчи у ишлаган энг профессионал футболчилардан бири. Мураббий Роналду билан бўлган суҳбатдан иқтибос ҳам келтирди: "Бир куни у менга: жуда кўп сув ўсимликни ўлдиради, деди". Анчелотти футбол катта жисмоний талаб қўйишини, бироқ тикланиш жараёни ҳал қилувчи аҳамиятга эгалигини таъкидлади ва кўплаб жароҳатлар айнан ортиқча юклама сабаб юз беришини қўшимча қилди.
41 ёшли Криштиану Роналду ҳозир Саудия Арабистонининг "Ал-Наср" клубида тўп сурмоқда. Унинг амалдаги шартномаси 2027 йилнинг ўрталаригача мўлжалланган. Роналду фаолияти давомида беш бор "Олтин тўп" совринини қўлга киритган.
“Zamin”ни Telegram'да ўқинг!
