Франция терма жамоасининг собиқ ҳужумчиси Флоран Синама-Понголь Россия дарвозабони Матвей Сафоновнинг «ПСЖ»даги ўйинларини юқори баҳолади. Бу ҳақда euro-football.ru хабар беради.
Ветеран футболчи РПЛни мунтазам кузатмаслигини айтса-да, Сафонов Франция ва бутун Европада диққат марказида эканини таъкидлади.
«Россиялик футболчилар Чемпионлар лигасида яхши кўриниш беряпти. «ПСЖ»даги Сафонов ҳам ўз ишини сифатли бажаряпти», — дея унинг сўзларини келтиради РИА Новости.
2025/2026 йилги мавсумда Сафонов парижликлар сафида 10 учрашувда майдонга тушиб, 4 та гол ўтказиб юборди. Шунингдек, у ўз дарвозасига белгиланган 7 пенальтидан 5 тасини қайтарди.
Бугун, 25 февраль куни Сафонов 27 ёшга тўлди. Клуб дарвозабонни туғилган куни билан илиқ табриклади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
