Реал Мадрид оғир даврни бошдан кечирмоқда ва Флорентино Перес яна бир бор Хосе Моуринюни жамоага қайтариш вариантини кўриб чиқмоқда. 2010-йилда Барселона ҳукмронлигига қарши курашиш учун таклиф этилган португалиялик мутахассис ўша вақтда ўз вазифасини бажарган эди. У жамоанинг уч йиллик совринсиз сериясига барҳам бериб, Испания кубоги ва Ла Лига чемпионлигини қўлга киритганди. Бу ҳақда Goal.com хабар беради.
Бироқ, 2013-йилда Моуриню клубни тарк этганида, кўпчилик бу қарордан мамнун бўлган эди. Унинг жамоа ичидаги ва матбуот билан бўлган зиддиятли муносабатлари клуб муҳитини заҳарлаб қўйганди. Шунга қарамай, Перес 2015, 2016, 2018 ва 2023-йилларда ҳам уни қайтариш ҳақида ўйлаган, ҳозир эса бу эҳтимол янада кучайган.
Ҳозирги вазият 2010-йилга ўхшаб кўринса-да, Моуриню аввалги "сеҳрли" қобилиятини йўқотиб қўйган. У 11 йилдан буён бирор чемпионатда ғолиб чиқа олмади, унинг охирги ютуғи эса 2022-йилги Конференциялар лигаси бўлди. Бу эса мураббийнинг ҳозирги савияси ҳақида кўп нарсани англатади.
Перес Моуринюни юлдузлар билан тўла таркибни бошқара оладиган кучли лидер деб ҳисоблайди. Килиан Мбаппе ва бошқа юлдузлар учун тактика эмас, балки кийиниш хонасидаги тартиб муҳимроқ бўлиши мумкин, худди Сергио Ramос илгари таъкидлаганидек. Шунга қарамай, бу қарор Реал Мадрид учун катта таваккалчилик бўлиши аниқ.
“Zamin”ни Telegram'да ўқинг!
