Xiaomi компанияси табиий газда ишлайдиган янги Мижиа Гас Стове 3C 5200W газ плитасини тақдим этди. Қурилма Ёупин платформасида сотувга чиқди. Бу ҳақда Ixbt.com хабар беради.
Унинг тавсия этилган нархи 130 долларни ташкил этади, бироқ дастлабки харидорлар учун 100 доллардан таклиф қилинмоқда.
Ишлаб чиқарувчининг маълумотларига кўра, панел янгиланган йирик ёндиргичга эга. Бу оловнинг марказдан четларга бир текис тақсимланишини таъминлайди.
Натижада маҳаллий қизиб кетиш камаяди ва овқат тайёрлаш самарадорлиги ошади.
Қурилма Мижиа экотизимига интеграция қилинган бўлиб, уни дудбурон билан боғлаш мумкин. Шунингдек, плита фойдаланувчига оловни ўчиришни унутганлигини автоматик равишда эслатиб туради.
Тизим қуввати 5,2 kVtni ташкил қилади, фойдали иш коэффициенти эса 65 фоиздан кам эмас. Панелнинг ўлчамлари 760х410х150 миллиметр, оғирлиги эса 10 килограммга тенг.
“Zamin”ни Telegram'да ўқинг!
