Басеус компанияси Хитой бозорида PiкоГо Супер Энергй Pro номли янги қурилмани намойиш этди. Бу гаджет ўзида мобил қувватлагич (повербанк), тармоқ адаптери ва кабелни бирлаштирган бўлиб, саёҳатчилар учун жуда қулай ечим ҳисобланади. Бу ҳақда Ixbt.com хабар беради.
Қурилма 10 000 мА·соат сиғимга эга аккумулятор, розеткага уланадиган вилка ва иккита USB-C кабели билан жиҳозланган. Кабелнинг бири 72 см узунликдаги тортиладиган механизмга эга бўлса, иккинчиси 20 см узунликда бўлиб, қурилмани кўтариб юриш учун тасма вазифасини ҳам бажаради.
PiкоГо USB-C порти орқали 67 В қувват узата олади, бу эса смартфонлар, планшетлар ва ҳатто айрим ноутбукларни тезкор қувватлаш учун етарли. USB-А порти эса 20 В қувватни тақдим этади. Қурилма розеткага уланганида «ўтувчи» қувватлаш функциясини қўллаб-қувватлайди: аввал уланган гаджетлар, сўнгра повербанкнинг ўзи қувватланади.
Қурилма корпусида маълумотларни кўрсатувчи дисплей ва смартфон орқали ҳолатни текшириш учун NFC модули мавжуд. ПД, ППС ва ҚК каби тезкор қувватлаш стандартлари қўллаб-қувватланади. 326 грамм оғирликдаги ушбу қурилма Хитойда 345 юан (тахминан 50 доллар) нархида сотувга чиқарилди.
“Zamin”ни Telegram'да ўқинг!
