Google ўзининг анъанавий Google И/О тадбирида Google Воркспасе учун мўлжалланган Piкс номли янги сунъий интеллектга асосланган дизайн ва тасвир яратиш иловасини эълон қилди. Компания ушбу воситани ўқитувчилардан тортиб кичик бизнес эгаларигача бўлган барча фойдаланувчилар учун қулай қилиб ишлаб чиққанини таъкидламоқда. Piкс ёрдамида махсус график дизайн кўникмаларисиз ҳам ижтимоий тармоқлар учун постлар, таклифномалар ва маркетинг материалларини оддий матнли сўровлар орқали яратиш мумкин. Бу ҳақда Techcrunch.com хабар беради.
Ушбу қадам билан Google дизайн бозорида Канва ҳамда Anthropic компаниясининг Claude Десигн каби рақобатчиларига қарши курашга киришди. Piкс шунчаки тасвир яратиш билан чекланиб қолмай, балки уларни таҳрирлаш имконини ҳам беради. Gemini технологияси билан интеграциялашган илова фойдаланувчиларга тасвирнинг алоҳида элементларини Google Docs'даги каби изоҳлар қолдириш ёки тўғридан-тўғри ўзгартириш орқали таҳрирлаш имконини тақдим этади.
Piкс иловаси Нано Банана 2 модели негизида ишлайди, бу эса матнларни аниқ акс эттириш ва юқори сифатли визуал натижаларни таъминлайди. Google Воркспасе билан тўлиқ интеграциялашган ушбу восита жамоавий ишлашни осонлаштиради: тайёр дизайнни юклаб олиш, нусхалаш ёки ҳамкорлар билан бўлишиш мумкин. Илова ҳозирда синов гуруҳлари учун очиқ бўлиб, ёз ойларида Google AI Ultra обуначилари учун тақдим этилади.
“Zamin”ни Telegram'да ўқинг!
