Google компанияси ақлли кўзойнаклар бозорига қайтмоқда. Google И/О 2026 тадбирида компания Варбй Паркер ва Гентле Монстер брендлари билан ҳамкорликда сунъий интеллект асосида ишлайдиган янги кўзойнаклар туркумини ишлаб чиқаришини эълон қилди. Қурилмалар Samsung билан ҳамкорликда ишлаб чиқилган бўлиб, Android ва iOS тизимларидаги смартфонлар билан тўлиқ мослашади. Бу ҳақда Techcrunch.com хабар беради.
Компания ушбу қурилмаларни “аудио кўзойнаклар” деб атамоқда. Фойдаланувчилар уларга овозли буйруқлар бериш орқали Google экотизими, хусусан, Gemini имкониятларидан фойдаланишлари мумкин. Тақдимот давомида кўзойнак ёрдамида онлайн тарзда қаҳва буюртма қилиш жараёни намойиш этилди.
Google аввалроқ Google Гласс лойиҳаси билан ушбу соҳада тажриба ўтказган эди, бироқ ўша даврда лойиҳа кутилганидек муваффақият қозонмаган. Ҳозирги кунда эса ақлли кўзойнаклар бозори сезиларли даражада ўзгарди. Meta каби йирик технология гигантлари ва кўплаб стартаплар ушбу йўналишга катта сармоя киритмоқда.
Янги қурилмалар жорий йилнинг охирига қадар сотувга чиқарилиши режалаштирилган. Google ўзининг Gemini сунъий интеллект хизматини кундалик ҳаётнинг ажралмас қисмига айлантириш мақсадида ушбу инновацион ечимдан унумли фойдаланмоқчи.
“Zamin”ни Telegram'да ўқинг!
