Huawei компанияси ўзининг янги форматдаги Пура Х ва Пура Х Max моделларининг муваффақиятидан сўнг, буклама смартфонлар қаторини кенгайтиришда давом этмоқда. Digital Chat Station инсайдерининг хабар беришича, жорий йилда бренд оиласига яна иккита қурилма қўшилади: янгиланган Мате Х ва инновацион, уч букламли Мате ХТ смартфони. Бу ҳақда Ixbt.com хабар беради.
Маълумотларга кўра, Huawei ўзининг уч букламли қурилмалари устида ишлашни давом эттириб, уларнинг техник хусусиятларини янада такомиллаштиришни режалаштирган. Шу билан бирга, инсайдер Samsung компанияси агар кейинги моделлари кутилган сотув ҳажмини кўрсатмаса, уч букламли телефонлар ишлаб чиқаришни тўхтатиши мумкинлигини таъкидлади.
Huawei маҳсулотларига бўлган талаб эса юқорилигича қолмоқда. Хусусан, Пура Х Max моделининг стандарт версияси 112 700 нусхада, коллекция нашри эса 253 000 нусхада сотилиб улгурган. Бу кўрсаткичлар компаниянинг мураккаб конструкцияли қурилмалар бозоридаги мавқейи мустаҳкамланиб бораётганидан далолат беради.
Шунингдек, келгуси йилда Huawei буклама қурилмалар қаторини янги планшет билан бойитиши кутилмоқда. Аввалроқ Digital Chat Station Xiaomi 15 ва Xiaomi 15 Pro хусусиятлари, шунингдек, Dimensity 9400 процессори Snapdragon 8 Элите моделидан олдинроқ чиқиши ҳақида аниқ маълумотларни тақдим этган эди.
“Zamin”ни Telegram'да ўқинг!
