Россиянинг ДНС ритейлери янги Xiaomi 17Т ва Xiaomi 17Т Pro смартфонларининг нархлари ҳамда тўлиқ техник хусусиятларини муддатидан аввал эълон қилди. Маълумотларга кўра, Xiaomi 17Т моделининг 12/256 GB хотирага эга бошланғич версияси тахминан 50 минг рублдан сотувга чиқади. 512 GB хотирали талқини эса бироз қимматроқ бўлади. Xiaomi 17Т Pro модели эса 12/256 GB варианти учун 68 минг рублдан бошланиб, 1 TB хотирали энг юқори талқини 83 минг рублгача баҳоланмоқда. Бу ҳақда Ixbt.com хабар беради.
Xiaomi 17Т смартфони 6,59 дюймли ОЛEД дисплей билан жиҳозланган бўлиб, у 2756 х 1268 пикселли аниқлик, 120 Hz янгиланиш частотаси ва 3500 нит максимал ёрқинликни таъминлайди. Қурилма MediaTek Dimensity 8500-Ultra процессори асосида ишлайди. Камера қисмида Леика билан ҳамкорликда яратилган 50, 50 ва 12 мегапикселли датчиклар ўрин олган. Шунингдек, 6500 мАс сиғимли аккумулятор 67 ваттли тезкор қувватлаш технологиясини қўллаб-қувватлайди.
Xiaomi 17Т Pro модели эса янада кучлироқ MediaTek Dimensity 9500 платформасига эга бўлди. Унинг 6,83 дюймли ОЛEД экрани 144 Hz частотада ишлайди. Аккумулятор сиғими 7000 мАс гача оширилган бўлиб, у 100 ваттли симли ва 50 ваттли сиmsиз қувватлаш имкониятига эга. Ҳар иккала смартфон IP68 сув ва чангдан ҳимоя стандарти, NFC ва Android 16 асосидаги HyperOS 3 интерфейси билан таъминланган.
“Zamin”ни Telegram'да ўқинг!
