Мутлақо янги сенсор: Huawei компанияси Nova 16 Pro камерасини намойиш этди

Huawei компанияси 1-июн куни расмий тақдимоти ўтказилиши режалаштирилган янги Nova 16 Pro смартфонида олинган илк суратларни эълон қилди. Ушбу намунавий суратлар қурилманинг камера имкониятлари қанчалик юқори эканлигини яққол кўрсатиб беради. Бу ҳақда Ixbt.com хабар беради.

Компаниянинг таъкидлашича, Nova 16 Pro моделида мультиспектрал объектив қўлланилган бўлиб, у ёритиш даражаси ёки объектдан узоқликдан қатъи назар, рангларнинг мукаммал узатилишини таъминлайди. Бу технология тасвирни қайта ишлаш тизимининг такомиллаштирилган элементи ҳисобланади.

Мультиспектрал датчик ёруғликни кенг тўлқин узунликларида қабул қилиш хусусиятига эга бўлиб, у стандарт РGB (қизил, яшил ва кўк) ранг матрицаси билан чекланиб қолмайди. Бу эса тасвирдаги ранглар гаммасини янада бойитишга хизмат қилади.

Ишлаб чиқарувчи мазкур технология ёрдамида ранглар, хусусан, инсон териси ранглари (скин тоне) ўта аниқ ва табиий чиқишини маълум қилди. Шунингдек, саҳналарнинг реаллиги ва ёруғлик экспозициясининг бир текис тақсимланиши ҳар қандай шароитда идеал суратлар олиш имконини беради.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг