Trampning firibgarlik uchun jarimasi 454 mln dollarga yetdi

^{Foto: Reuters}
AQSHning 45-prezidenti Donald Tramp fuqaroviy firibgarlik ishi bo‘yicha 454 million dollar to‘lashi kerak. To‘lovga avvalroq qo‘yilgan 354,9 million dollar jarima va foizlar kiradi. Bu haqda “Kommersant” xabar berdi.

Hammasi bo‘lib, Trump Organisation'dagi firibgarlik ishi bo‘yicha barcha ayblanuvchilar 464,6 million dollar to‘lashlari kerak. Xususan, sobiq prezidentning o‘g‘illari – kichik Don Tramp va Erik Trampga foizni hisobga olgan holda 4,7 million dollardan ajratilgan. Har kuni, sobiq rahbarning jarimasi hisobiga umumiy summaga 114 ming dollar foiz qo‘shiladi.

Nyu-York sudi fevral oyi o‘rtalarida Donald Trampni firibgarlikda aybdor deb topgan. Sudya sobiq prezidentni jarimaga tortib, unga uch yilga Nyu-Yorkdagi istalgan korporatsiyada xodim yoki direktor lavozimida ishlashni taqiqlagan. Tramp sud qarori ustidan shikoyat qilmoqchi. “Zamin” yangiliklarini “Telegram”da kuzatib boring