Foto: RIA Novosti
Rossiyalik muxolifatchi Aleksey Navalniy Yamalo-Nenes avtonom okrugidagi koloniyada “aralash kasallik” tufayli vafot etgan. Bu haqda Tergov qo‘mitasining viloyat boshqarmasi qarorida aytiladi.
Hujjatga ko‘ra, dastlabki tergov organlari Navalniyning o‘limi “jinoiy xususiyatga ega emas, balki qo‘shma kasallik oqibati” degan xulosaga kelgan. Tergov qo‘mitasi Navalniyga nisbatan hech qanday noqonuniy xatti-harakatlar yoki zo‘ravonlik sodir etilmaganini va “aniqlangan tan jarohatlari tibbiy manipulyatsiyalar natijasi bo‘lganini” da’vo qilgan.
Hujjatda sud-tibbiy ekspertiza xulosasi keltirilgan bo‘lib, unda Navalniy surunkali pankreatit, xoletsistit, gepatit va yana bir qator kasalliklarga chalingani qayd etilgan.
“Navalniyning o‘limi aritmogen xarakterga ega bo‘lib, yurak ritmi va o‘tkazuvchanligining buzilishi bilan namoyon bo‘ladi”, deyiladi Tergov qo‘mitasi bayonotida.
Marhum siyosatchining bevasi Yuliya Navalnayaning ta’kidlashicha, hayoti davomida Alekseyda yurak xastaligi kuzatilmagan. U siyosatchining kiyim-kechagi, kitoblari va yana bir qancha buyumlari qarindoshlariga qaytarilmaganidan shikoyat qilgan va ularni qaytarib berishni talab qilgan. Navalnaya, shuningdek, tibbiy hujjatlar, jumladan, otopsiya xulosasi va ekspertiza natijalarini Navalniy vakillariga topshirishni talab qilgan.
Aleksey Navalniy Yamalo-Nenes avtonom okrugidagi koloniyada vafot etgani haqida Federal jazoni ijro etish xizmati 16 fevral kuni xabar bergan edi. O‘lim sababi tromblar yorilishi deb aytilgan, ammo bu ma’lumot tasdiqlanmagan. 17 fevral kuni koloniya xodimlari siyosatchining onasi Lyudmila Navalnayaga uning “to‘satdan o‘lim sindromi”dan vafot etgani haqida xabar bergan. Tibbiy o‘lim guvohnomasida esa siyosatchi “tabiiy sabablar” tufayli vafot etgani qayd qilingan.
Navalniyning jasadi 24 fevral kuni onasiga berilgan. Bundan oldin tergovchilar Navalnayani shantaj qilib, siyosatchining dafn marosimini yashirin o‘tkazishni talab qilgan. Aleksey Navalniy 1 mart kuni Moskvadagi Borisovskiy qabristoniga dafn qilingan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Saudiya Superkubogi. "Al-Hilol" finalda "An-Nassr"ni tor-mor etdi
Ukraina Rossiyadagi 4 ta aerodrom nishonga olinganini ma’lum qildi
Eron prezidenti mamlakat og‘ir iqtisodiy ahvolda ekanini ma’lum qildi
O‘zbekistonliklar Latviyaga ishga taklif qilinmoqda
Alaudinov: Ukraina QK Kursk viloyatida faol taslim bo‘la boshladi
OCHL-2. "Nasaf" ishtirok etadigan musobaqaning guruh bosqichiga qur’a tashlandi
Aleksandr Krestinin: "Ikkinchi bo‘limda jonlandik. Hali ochkolar to‘plashimizga ishonaman"
Kim Chen In hashamatli avtomobilda og‘ir ahvoldagi aholini ko‘rgani bordi
