8 yoshli bola "Spider-Man" ga aylanish istagida, o‘zini qora beva o‘rgimchagiga chaqtirdi

1 daqiqa o'qish664
8 yoshli bola "Spider-Man" ga aylanish istagida, o‘zini qora beva o‘rgimchagiga chaqtirdi
QisqachaAI yordamida tayyorlanganKo‘rsatish
  • Boliviyaning Vichuloma shaharchasida super kuchlarga ega bo‘lishni istagan 8 yoshli bola o‘zini qora beva o‘rgimchagiga ataylab chaqtirdi.
  • Daryo bo‘yida sodir bo‘lgan bu voqeadan uch soat o‘tgach, bolada kuchli og‘riq va holsizlik boshlanib, onasiga bu haqda aytib berdi.
  • Mahalliy shifoxonada bolaga qora beva zahariga qarshi maxsus antidot yuborilib, 30 daqiqa ichida uning ahvoli barqarorlashdi hamda u to‘liq sog‘ayib ketdi.

Boliviyada sodir bo‘lgan g‘ayrioddiy voqea ijtimoiy tarmoqlarda keng muhokama qilinmoqda. Mamlakatning Oruro departamentiga qarashli Vichuloma shaharchasida 8 yoshli bola o‘zining sevimli qahramoni — O‘rgimchak-odam (Spider-Man) kabi super kuchlarga ega bo‘lishni orzu qilib, o‘ta xavfli qora beva o‘rgimchagiga ataylab o‘zini chaqtirgan.

Ma’lum qilinishicha, bola daryo bo‘yida o‘ynab yurgan vaqtda tosh ostidan orqasida qizil belgilari bo‘lgan qora o‘rgimchakni — qora bevani topib olgan. U mashhur superqahramon kabi g‘ayrioddiy kuchlarga ega bo‘lish umidida o‘rgimchakni qo‘lining orqa qismiga qo‘yib, uning chaqishiga qasddan yo‘l qo‘ygan. Keyin esa o‘rgimchakni shisha idishga solib, uyiga qaytgan.

Oradan taxminan uch soat o‘tgach, bolaning butun tanasida kuchli og‘riq, suyak qaqshashi va og‘ir holsizlik boshlangan. Ahvoli tobora yomonlashgach, u onasiga voqeani to‘liq aytib bergan. Shundan so‘ng onasi farzandini zudlik bilan mahalliy shifoxonaga olib borgan.

Shifokorlar bolaga darhol qora beva zahariga qarshi maxsus antidot (ziddizahar) yuborishgan. Taxminan 30 daqiqa ichida uning ahvoli barqarorlashgan. Ma’lumotlarga ko‘ra, bola o‘z vaqtida ko‘rsatilgan tibbiy yordam tufayli omon qolgan va keyinchalik butunlay sog‘ayib ketgan.

Qiziq jihati shundaki, Boliviyada bunday holat birinchi marta kuzatilayotgani yo‘q. 2020 yilda ham xuddi shu maqsadda ikki aka-uka o‘zlarini qora beva o‘rgimchagiga chaqtirib, shifoxonaga tushgani haqida xabarlar tarqalgan edi.

Mutaxassislar esa bolalarga film va komiks qahramonlarini taqlid qilish orqali hayot uchun xavfli tajribalar o‘tkazmaslik kerakligini yana bir bor eslatmoqda. Qora beva o‘rgimchagining zahari inson salomatligi uchun jiddiy xavf tug‘dirishi mumkin bo‘lib, bunday holatlarda zudlik bilan tibbiy yordamga murojaat qilish zarur.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?