Lukashenko: “Belarusga hujum Uchinchi jahon urushining boshlanishidir”

^{Foto: PA}
Har qanday xorijiy kuchning Belarusga hujumi Uchinchi jahon urushining boshlanishidir. Bu haqda Belarus prezidenti Aleksandr Lukashenko ma’lum qildi.

“Men raqiblarimizni hamda hali ham tushunmayotganlarni ogohlantirmoqchiman. Bizga hujum qilish kerak emas. Belarusga hujum Uchinchi jahon urushidir”, dedi u.

Avvalroq Belarus mudofaa vaziri Viktor Xrenin Belarus va Ukraina chegarasida vaziyat keskinligicha qolayotganini aytgan edi.

Xreninning so‘zlariga ko‘ra, Ukraina tomonida ancha katta kontingent to‘plangan. Shu bilan birga, Ukraina Qurolli kuchlari doimiy ravishda razvedka ishlarini olib bormoqda va Belarus chegarasi dronlar tomonidan buzilmoqda.

11 sentyabr kuni Belarusda qo‘poruvchilarning mamlakatga hujumini oldini olish uchun xavfsizlik choralari kuchaytirilgani xabar qilingan edi. Respublika ichki ishlar vaziri Ivan Kubrakovning ma’lum qilishicha, chegara hududiga maxsus politsiya otryadi va ichki qo‘shinlarning maxsus bo‘linmalari joylashtirilgan, ularga dushmanning Belarus aholi punktlariga kirib kelishining oldini olish vazifasi yuklangan.

Lukashenko, shuningdek, Minsk va Tehron Yaqin Sharq hamda Yevropa mintaqasidagi keskin harbiy-siyosiy vaziyatni inobatga olgan holda birgalikda harakat qilishlari kerakligini ma’lum qilgan edi.

“Yaqin Sharqda, Belarus chegaralari yaqinida, Yevropa mintaqasida keskin harbiy-siyosiy vaziyat yuzaga kelganda bizga nafaqat maslahatlashuvlar, balki mamlakatingiz bilan birgalikdagi harakatlar ham zarur. Biz ko‘p qutbli dunyo tomon ketyapmiz. Bu juda qiyin yo‘l bo‘ladi. Yaxshi hamki, Eronda ham, boshqa mamlakatlarda ham buni yaxshi tushunishadi”, degan edi Belarus rahbari Eron Milliy xavfsizlik oliy kengashi kotibi Ali Akbar Ahmadian bilan uchrashuvda. “Zamin” yangiliklarini “Instagram”da kuzatib boring