Meksika AQShdan noqonuniy migrantlarni olib kelayotgan harbiy transport samolyotini qabul qilishdan bosh tortdi. Bu haqda NBC telekanali manbalarga tayanib xabar berdi.
"Meksika AQSh harbiy samolyotiga qoʻnishga ruxsat bermadi. Bu esa Tramp ma'muriyatining migrantlarni mamlakatdan deportatsiya qilish rejalariga vaqtincha xalaqit berdi" deyiladi telekanal xabarida.
Shu bilan birga, Gvatemala migratsiya instituti mamlakatga ichida noqonuniy migrantlar boʻlgan birinchi samolyotlar AQShdan etib kelganini ma'lum qildi.
“80 nafar gvatemalalik qaytib keldi: 31 ayol, 48 erkak va bitta hamrohsiz oʻsmir”, deyiladi bayonotda. Kelganlar roʻyxatga olindi, shundan soʻng ularga oziq-ovqat, kiyim-kechak, gigiyena toʻplamlari berildi, psixologik yordam koʻrsatildi, shuningdek, telefondan foydalanish imkoniyati berildi. Ayni damda ular Migrantlarga yordam koʻrsatish markazidagi boshpanaga joylashtirilmoqda.
AQSh prezidenti Donald Tramp ma'muriyati allaqachon noqonuniy migrantlarni sudsiz deportatsiya qilishga ruxsat bergan, shuningdek, oʻzidan avvalgi Jo Bayden tomonidan bekor qilingan “Meksikada qoling” dasturi qayta tiklanishi haqida e'lon qilgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
