Gollandiya termasi yulduzi kokain ishida gumonlanmoqda

Gollandiyalik mashhur sobiq himoyachi Ronni Stam ikki tonnadan ortiq kokainni kontrabanda qilishda gumonlanib, 13 yilgacha ozodlikdan mahrum etilishi mumkin, deb Omroep Brabant xabar berdi. Tergov ma’lumotlariga ko‘ra, Ronni Stam va uning ukasi Raddi hozirda BAAda yashirinib yuribdi va ular xalqaro miqyosda narkotik savdosi bilan shug‘ullanganlikda ayblanmoqda.

40 yoshli Stam o‘zining futbolchilik faoliyati davomida Gollandiyaning “NAC Breda” va “Tvente”, Angliyaning “Uigan”, hamda Belgiyaning “Standard” klublarida to‘p surgan. Uning sportdagi muvaffaqiyatlari ham katta e’tiborga sazovor: 2010 yilda “Tvente” tarkibida Gollandiya chempioni bo‘lgan, 2012/2013 yilgi mavsumda esa “Uigan” bilan Angliya kubogini qo‘lga kiritgan. Shuningdek, Stam bir necha bor Niderlandiya terma jamoasiga chaqirilgan.

So‘nggi yillarda u sportdan tashqari qonunbuzarlik ishlariga aralashgani aytilmoqda. Hozirda politsiya va tergov organlari Stam va uning ukasini xalqaro qidiruvga bergan. Muxlislar ushbu voqeadan hayratda va afsusda ekanliklarini yashirishmayapti. “Zamin”ni Telegramʻda oʻqing!