Yodingizda bo‘lsa, o‘tgan yil dekabrida Moskva viloyatida yashovchi Dmitriy Grachyov xotinini birovlarga rashk qilish oqibatida jinoyatga qo‘l urgani haqida xabar bergandik. U o‘shanda xotinini o‘rmonga olib borgan. Oldiniga turli ko‘rinishdagi qiynoqlarga solgan. Keyin esa ikkala qo‘lidagi barcha barmoqlarni kesib olgan-u, jon berish arafasida qolgan ayolni kasalxonaga olib borib, o‘zi politsiyachilarga taslim bo‘lgan.
Vrachlar o‘shanda to‘qqiz soat davomida jonlantirish amalini o‘tkazishgan. Jarrohlar bir kecha-kunduz ayolning hayotini saqlab qolishga harakat qilishgan. Umridan bor ekan, ayol o‘lmay qoldi. Hatto, bir qo‘lidagi barmoqlarini qayta tiklashning ham imkoni tug‘ildi. Lekin hanuz ayol doimiy tarzda muolajalar olishga mahkum.
Aytishlariga qaraganda, fojia yuz bermasdan bir necha hafta oldin bu ayol erining ustidan hudud noziriga ham arz qilib, duch kelganga rashk qilaverishini aytgan. Biroq hudud noziri erkakning yurish-turishida jinoyat izlari sezilmayotganini aytgan-u, qo‘l siltab qo‘ya qolgan. Mana, endi politsiyachi ham xizmat burchiga mas’uliyatsizlarcha yondashganlikda ayblanmoqda. Rashkchi er ustidan esa sud jarayoni boshlandi. Uni birdaniga uchta modda: «Qasddan birovning salomatligiga ziyon yetkazish», «Odam o‘g‘irlash», «Hayotiga suiqasd qilish» bo‘yicha ayblashmoqda.
Manba: Hordiq.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Sirdaryoda budjetga juda ko‘p miqdorda zarar yetkazgan mayning ferma aniqlandi
Nega Tramp Zelenskiyni yomon ko‘radi?
Xotirani yaxshilashning juda oddiy usuli topildi
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
