Foto: Bloomberg
Zoom Video Communications asoschisi va bosh direktori Erik Yuan o‘ziga tegishli kompaniyaning, taxminan, 6 milliard dollarga baholangan 40 foiz aksiyasini xayriya qildi. Bu haqda Zoom tomonidan AQSHning Qimmatli qog‘ozlar va birjalar bo‘yicha komissiyasiga topshirilgan hujjatlarga asoslanib «RBK» xabar berdi.
Ma’lumotlarga ko‘ra, Yuan kompaniyaning aksiyalarini o‘zi va turmush o‘rtog‘i egalik qiladigan ikkita trast fondidan ikki kishiga 9 milliontadan o‘tkazib bergan. Qimmatli qog‘ozlarni hozir kim nazorat qilayotgani noma’lum.
«Taqsimlash Erik Yuan va uning rafiqasi trastlarining shartlariga muvofiq amalga oshirildi», — deb xabar berdi Zoom vakili Reuters nashriga.
Yuan 15 foiz ulush bilan Zoom Video Communications’ning eng yirik aksiyadori edi. Shuningdek, u kompaniyaning ovoz beruvchi aksiyalaridan 40 foizini nazorat qilgan.
Zoom aksiyalarining narxi pandemiya davrida dunyo bo‘ylab o‘zini o‘zi yakkalash va masofadan turib ishlash fonida keskin ko‘tarildi. Bularning barchasi iste’molchilarni videokonferensaloqa xizmatlariga murojaat qilishga undadi.
Agar 2020 yil 19 yanvarida Zoom aksiyasining narxi 73 dollarni tashkil etgan bo‘lsa, o‘sha yilning 11 oktabrida 559 dollarga yetdi, shundan keyin aksiyalar narxi tushishni boshladi.
Ma’lumotlarga ko‘ra, Yuan 40 foiz aksiyasini 3 mart kuni xayriya qilgan. U vaqtda savdolar ochilgach, bitta aksiya narxi 368,58 dollar edi. Zoom aksiyalari operatsiyadan keyin ham tushishda davom etdi. NASDAQ ma’lumotlariga ko‘ra, 8 mart kuni savdolar 310,93 dollarda yopildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi