Foto: «RBK»
Checheniston yetakchisi Ramzan Qodirov ingush xalqiga murojaat bilan chiqdi. Qodirovning Instagram’dagi rasmiy akkaunti AQSH sanksiyalari sabab bloklangani bois videomurojaat @ya_pomoshnik_kra_95 akkauntida e’lon qilingan.
«Ingush xalqidan iltimos. Agar men dushmaningiz bo‘lsam, aybim va jazo darajasini belgilab oling. Nima qilmoqchi ekaningizni ayting: urish, quvish, o‘ldirish. Nimada aybdor ekanimni Rossiyaning davlat yoki shariat qonunlari bo‘yicha asoslang va mening xalqimga, oqsoqollarimga murojaat qiling hamda rasmiy jazoni bildiring, barcha an’analarimizga rioya qiling», — deydi Qodirov.
«Grozniy» telekanalining ma’lum qilishicha, respublika rahbari ingushlarga ayblovni e’lon qilish uchun uch kun muhlat bergan. Qodirov agarda bu amalga oshmasa, uni yomonlamoqchi bo‘layotganlardan javob so‘rashini aytgan.
Avvalroq Qodirov Checheniston hukumati ularning hududini noqonuniy tortib olganini aytgan «provakatorlarga» murojaat qilgandi.
Checheniston va Ingushetiya o‘rtasidagi chegara hududlari uchun mojaro SSSR parchalanganidan keyin boshlangan, chunki respublikalar o‘rtasidagi chegara aniq belgilanmasdan, ular yagona Chechen-Ingush ASSR tarkibida edi. 1990 yillarda Ingushetiya va Checheniston Sunjenskiy va Malgobek tumanlari ustida hududiy bahs boshladi.
1993 yilda Joxar Dudayev ( 1991 yilda «Checheniston Ichkeriya Respublikasi»ni e’lon qilgan va 1996 yilda Rossiya federal qo‘shinlari tomonidan yo‘q qilingan chechen terrorchilarining yetakchilaridan biri) va Ingushetiya rahbari Ruslan Aushev shartnoma imzolagan, unga ko‘ra Sunjenskiy tumani Ingushetiyaga o‘tadi, undagi Sernovodsk va Assinovskaya aholi punktlari bundan mustasno.
2012 yilda Chechenistonda respublikalar o‘rtasidagi «ma’muriy chegarani aniqlashtirish va kelishish» uchun komissiya tuzildi. Yangi hujjatga ko‘ra, Ingushetiyaning Sunjenskiy tumani bir qismida joylashgan tog‘li va o‘rmonli hudud Chechenistonga, Chechenistonning Nadterechniy tumanidagi xuddi shunday hudud esa Ingushetiyaga o‘tgan.
2018 yil sentyabr oyida respublikalar rahbarlari Ramzan Qodirov va Yunusbek Yevkurov ikki tuman o‘rtasidagi chegara to‘g‘risida kelishib oldi va bitim imzoladi. Shundan so‘ng Ingushetiyada kelishuvga qarshi qator mitinglar bo‘lib o‘tdi. Ular referendum yordamida chegara haqidagi qarorga qarshi chiqishga urindi, biroq respublika saylov komissiyasi arizani rad etdi. 2019 yil iyun oyida Yevkurov respublika rahbari lavozimidan ketdi, keyinroq Rossiya Konstitutsiyaviy sudi chegara haqidagi qarorni qonuniy deb tan oldi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
AQSH Isroilning ikki vaziriga sanksiya qo‘llamoqchi
Rossiya armiyasi Kupyanskka kirgani aytilmoqda
NATO bosh kotibi Ukrainaning frontdagi ahvoli yomonlashganini tan oldi
AQSH harbiylari orasida o‘z joniga qasd qilish ko‘paydi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Erdo‘g‘on Turkiya Isroil bilan aloqalarini uzganini ma’lum qildi
