Britaniyaning Xouv shahridagi Oxfam xayriya kitob do‘koni jahon miqyosida taniqli musiqachi Nik Keyvning shaxsiy kitoblar kolleksiyasi tufayli keng e’tibor markaziga aylandi. U o‘ziga tegishli bo‘lgan taxminan 2000 ta kitobni ushbu do‘konga taqdim etdi, deya xabar berdi Peopletalk.
Bu kitoblar kolleksiyasi turli yo‘nalishlarni qamrab olgan:
- Falsafa va din,
- San’at va badiiy adabiyot,
- Nodir nashrlar,
- Oshpazlikka oid kitoblar, jumladan afrodiziak taomlar haqidagi retseptlar.
Ayniqsa, bu kitoblarning qadrli ekani sezilarli bo‘ldi — ularning ba’zilari juda eski, biroq yaxshi saqlangan. Ularning orasida Salman Rushdi, Ien Makyuen, Kristofer Xitchens kabi mashhur mualliflar asarlari, Jonni Keshning avtobiografiyasining ilk nashri ham bor.
Keyv shaxsan o‘qigan va ishlatganligini bildiradigan kitoblar ham topildi. Masalan:
- Uning qo‘li bilan tushirilgan izohlar,
- Ishlatilgan zakladkalar (uchish chiptalari, xaritalar, qo‘lyozmalar),
- Martin Makdonaxning shaxsiy imzosi bor kitob,
- Keyvga xos qo‘lyozmada belgilangan iboralar.
Bu «artefakt»lar muxlislar orasida hayajon uyg‘otdi. Juma kundan boshlab odamlar kitob do‘koniga oqib kela boshladi. Shanba va yakshanba kunlari do‘kon oldida navbatlar hosil bo‘ldi. Xaridorlar «Keyv izlari» bor kitoblarni izlashga tushishdi.
Nik Keyvning vakillari ushbu aksiya yuzasidan izoh berishdan bosh tortdi. Faqatgina u kitoblardagi “topilmalar” yangi egalari uchun sir bo‘lib qolishini xohlaganini ta’kidlashdi. Fanatlar uchun esa bu kichik sirlar shaxsiy xazinaga aylandi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
