Gollivudning yosh va mashhur yulduzlaridan biri, "Wednesday" seriali orqali dunyo miqyosida katta obro‘ qozongan Jenna Ortega so‘nggi kunlarda ijtimoiy tarmoqlarda bahs markaziga aylandi. Aktrisaning yangi suratlarida uning yuz shakli sezilarli o‘zgargani ko‘zga tashlandi.
Ma’lum bo‘lishicha, Ortega yonoqdagi Bisha komkasini — yuz to‘qimasidagi yog‘ qatlamlarini olib tashlash amaliyotini qildirgan. Bu operatsiya ba’zi odamlarda yuzning shaklini aniqroq va o‘tkirroq qiladi, biroq barcha muxlislar bu o‘zgarishni ma’qullamagan. Internetda turli fikrlar yog‘ildi: ayrimlar uni qo‘llab-quvvatlasa, ko‘pchilik yangi qiyofasi uchun tanqid ostiga oldi.
Ijtimoiy tarmoqlarda eng ko‘p muhokama qilingan izohlardan biri shunday yozilgan:
"Bisha komkasini olib tashlash operatsiyasini o‘ylab topgan odam qamalishi va insoniyatga qarshi jinoyatda ayblanishi kerak."
Bu voqea ko‘pchilikka "Yigitlar" seriali aktrisasi Erin Moriartini eslatdi. U ham bir necha yil avval xuddi shunday amaliyotdan so‘ng keskin tanqidga uchrab, ijtimoiy tarmoqlardan vaqtincha uzoqlashgan edi.
Shu bilan birga, ba’zi muxlislar hali ham shoshilmaslik kerakligini, ehtimol, bu faqat makiyaj yoki yorug‘lik effekti ekanini ta’kidlashdi. Ular yaqin kunlarda bu haqida aniq ma’lumot chiqishiga umid qilishmoqda.
Jenna Ortega bu masalada hozircha hech qanday rasmiy bayonot bermadi. Ammo uning yangi qiyofasi allaqachon muhlislar va ommaviy axborot vositalari orasida qizg‘in bahslarga sabab bo‘ldi.
“Zamin”ni Telegramʻda oʻqing!
