“Roma” klubining oldida juda muhim mavsum turibdi. Joze Mourino shogirdlari A Seriyada kamida kuchli to‘rtlikka kirib, Chempionlar ligasiga yo‘llanma olishi va Yevropa ligasida bosh sovrinni qo‘lga kiritishi talab qilinadi. Italiya kubogida g‘olib chiqish vazifasini ham hali hech kim bekor qilgani yo‘q.
Rim klubi rahbariyati va murabbiylar shtabi tarkibni kuchaytirishga harakat qilmoqda. Sport direktori Tyagu Pintoga bosh murabbiy Joze Mourino kimlardan qutulish, kimlarni olib qolish va yana qaysi o‘yinchilarni olib kelish bo‘yicha aniq ko‘rsatma bergan.
Portugaliyalik mutaxassis qaroriga ko‘ra, Eldor Shomurodov Rimda qoladi. Hamyurtimizga bir necha klublardan qiziqish bo‘layotganiga qaramay, “Roma”ni legionerimizni qo‘yib yuborishiga ishonish qiyin. Bunga kamida ikkita sabab bor. Birinchisi, Rimdagi birinchi mavsumni Eldor jamoaga moslashib olishga sarfladi, deb hisoblanmoqda va navbatdagi chempionatda, undan sermahsul o‘yin kutilyapti. Qolaversa, O‘zbekiston milliy terma jamoasi sardori ketma-ket ikkinchi mavsumni zaxirada o‘tkazishga o‘zi ham rozi bo‘lmasligi aniq.
Ikkinchidan, Shomurodovga og‘iz solayotgan klublardan birortasi Rim klubi o‘zbek futbolchisiga sarf qilgan mablag‘ni qaytarmaydi. Asosiy tarkibga kira olmaganidan keyin hujumchimizning transfer summasi pasayib ketgan.
Transferlarga ixtisoslashgan transfermarkt portalida qayd etilishicha, rimliklar Mourino talabiga ko‘ra, Shomurodovni olib kelish uchun 18 million yevro sarflagan. So‘nggi yangilanishdan keyin futbolchimizning narxi ketma-ket ikki marta pasayib, ayni paytda 8 million yevroni tashkil qilyapti.
Shomurodovga qiziqish bildirayotgan “Fiorentina”, “Torino” kabi klublar odatda qimmat transferlarni amalga oshirmaydi. Ular faqat ijara shartnomasini taklif qilishi mumkin xolos.
Shomurodov Italiya futbolida o‘zini mehnatkash futbolchi sifatida namoyon qilgan. Uning imkoniyatlaridan hujum markazi va qanotda foydalanish mumkin. Tezkorligi, driblingi, kurashuvchanligi, ortga qaytib o‘ynashi, bosh bilan yaxshi o‘ynay olishi Eldorning ustun jihatlari sifatida mutaxassislar tomonidan tan olingan.
O‘tgan mavsum davomida legionerimizga A Seriya klublaridan tashqari Ispaniyaning “Sevilya”, Fransiyaning “Monako”, Germaniyaning “Leypsig” hamda “Xoffenxaym” kabi jamoalaridan qiziqish borligi haqida xabar tarqalgandi. Biroq, bu qiziqishlar hozircha rasmiy taklifga aylanmadi.
O‘zbekiston milliy terma jamoasi sardoriga aylangan Eldorning xalqaro maydondagi faoliyati klubdagidan ko‘ra, sermahsul davom etmoqda.
Shomurodov mamlakatimiz bosh jamoasi safida Osiyo chempionatining saralash turnirida Maldiv orollari terma jamoasi darvozasiga uchta to‘p kiritib, ketma-ket ikkinchi xet-trikini nishonladi. Bundan oldin hujumchimiz “Navro‘z kubogi” xalqaro doirasida Uganda terma jamoasi darvozasini uch bor ishg‘ol qilgan edi.
Tabiiyki, Joze Mourinoning yordamchilari, “Roma” mutasaddilari murabbiylar shtabiga Shomurodov terma jamoada qayd etayotgan natijalar bo‘yicha hisobotlarni taqdim etadi. Maldivliklarga qarshi bahs Eldorning hamon gol urish qobiliyati yuqori ekanini ko‘rsatdi. Barcha gollar hujumchimizning individual mahorati evaziga kiritildi.
Transfermarkt portali mutaxassislar Shomurodov O‘zbekiston milliy terma jamoasida 55 ta uchrashuvda 30 ta gol urganini qayd etishdi. Tez orada Eldor terma jamoamiz tarixidagi eng zo‘r to‘purar Maksim Shatskixning rekordini yangilashi kutilmoqda. Shatskix hisobida 61 ta uchrashuvda urilgan 34 ta gol bor.
Endi eng muhimi, Joze Mourino Shomurodovga ko‘proq imkoniyat berishiga bog‘liq. Chunki o‘tgan mavsumdagidek bir necha daqiqa o‘ynab, o‘zini ko‘rsatish oson emas. Shunda ham Shomurodov beshta gol va oltita assist qayd etishga ulgurganini inobatga olish kerak.
Janob Mourino, Shomurodovga ham bir qarab qo‘ying! “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilning ikki vaziriga sanksiya qo‘llamoqchi
Erdo‘g‘on Turkiya Isroil bilan aloqalarini uzganini ma’lum qildi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Borrel YEIning Isroil bilan muloqotini to‘xtatishni taklif qildi
Yaxshi pishgan va mazali anor tanlashga yordam beradigan tavsiyalar
AQSH harbiylari orasida o‘z joniga qasd qilish ko‘paydi
Rossiya armiyasi Kupyanskka kirgani aytilmoqda
Buyrak salomatligi uchun eng foydali sabzavot...
