«Bavariya» bosh murabbiyi Vensan Kompani «Ayntarxt»ga qarshi o'yin arafasida jamoasining to'rt futbolchisi sariq kartochkalar bo'yicha xavfli chegara yaqinida turgani fonida «Borussiya» (Dortmund) bilan bo'ladigan uchrashuv xayolida yo'qligini aytdi. Bu haqda euro-football.ru xabar beradi.
Mutaxassisning ta'kidlashicha, hozir barcha e'tibor faqat Frankfurt klubiga qarshi bahsga qaratilgan. «Sariq kartochkalar bilan bog'liq vaziyatdan xabardormiz, biroq hammasini oldindan rejalashtirib bo'lmaydi. Hozir eng muhimi — «Ayntarxt»ni yutish», — dedi Kompani.
Bundesliganing 23-turi doirasidagi «Bavariya» — «Ayntarxt» uchrashuvi 21 fevral, shanba kuni bo'lib o'tadi. O'yin 19:30 da (Toshkent vaqti bilan) start oladi.
«Bavariya»ning navbatdagi o'yini — Dortmundning «Borussiya»siga qarshi bahs 28 fevralga belgilangan.
“Zamin”ni Telegramʻda oʻqing!
