"Al-Nasr" hujumchisi Krishtianu Ronaldu "Al-Hazm"ga qarshi 4:0 hisobidagi yirik g'alabadan keyin o'z taassurotlari bilan o'rtoqlashdi. Bu haqda euro-football.ru xabar beradi.
Portugaliyalik yulduz uchrashuvda ikki bor raqib darvozasini ishg'ol qilib, jamoasining Saudiya Arabistoni chempionati turnir jadvalida yana birinchi o'ringa qaytishiga katta hissa qo'shdi.
"Hammasi avvalgidek bo'ldi. Biz qaytdik, to'g'ri yo'ldamiz va o'zimizga ishonchimiz baland, hammasi joyida. Maqsad sari qadam-baqadam ketyapmiz. Hozir yaxshi formadamiz, keyin nima bo'lishini ko'ramiz", — deya Ronaldu so'zlarini keltiradi Al Nassr Zone.
22-turdan so'ng "Al-Nasr" 55 ochko bilan Saudiya ligasida peshqadam bo'lib turibdi va "Al-Hilol"ni 1 ochkoga ortda qoldirmoqda. 25 fevral kuni Jorje Jezush jamoasi safarda "Al-Najma"ga qarshi maydonga tushadi.
“Zamin”ni Telegramʻda oʻqing!
