Eldor Shomurodov “Roma”da zaxirada o‘tirib qolgani va kerak bo‘lsa, ayrim uchrashuvlarda maydonga tushirilmaganini inobatga olib, hujumchimizning mahoratiga shubha qilmagan bo‘lsak-da, o‘yinida pasayish bo‘lyaptimikan, degan taxminlarga borgan edik.
Biroq, Namanganda o‘tkazilgan o‘zbek futbolining 110 yilligi munosabati bilan o‘tkazilgan “Navruz Cup” xalqaro turnirda terma jamoamiz safidagi o‘yini Eldor Shomurodov to‘purarlik qobiliyati zarracha ham pasaymaganini ko‘rsatib berdi.
Qirg‘iz futbolchilariga qarshi o‘tkazilgan bellashuvda Eldorning hisobni tenglashtiruvchi goli oddiy holat sifatida qabul qilindi. Bu bahsda asosiy qahramon uning o‘rniga zaxiradan maydonga tushib, dubli bilan Srechko Katanetsning yuzini yorug‘ qilgan Igor Sergeyev bo‘ldi.
Turnirning finalida Uganda terma jamoasiga qarshi o‘tkazilgan bellashuvda Eldor Shomurodov hamon terma jamoaning asosiy to‘purari va yetakchisi ekanini isbotlab qo‘ydi. Shu kuni hujumchimiz raqiblar darvozasini uch bor ishg‘ol qildi. Dastlabki ikki golda kombinatsiyani shaxsan o‘zi tashkil qilib, o‘zi samarali yakunladi.
Uchinchi golida ham raqib himoyachisini chiroyli tarzda ortda qoldirib, uzoq masofadan aniq zarba yo‘lladi. Eldorni tabriklash qo‘yish kerakki, bu mohir to‘purarning milliy terma jamoamiz safidagi birinchi xet-triki bo‘ldi. Umid qilamizki, oxirigisi emas.
Shomurodov har ikki uchrashuvda ham o‘zi harakat qilgan daqiqalarda katta hajjmdagi ishlarni bajarib, raqiblar darvozasiga xavf solishdan tashqari, hujum tashkil qilish, to‘p uchun kurash va himoyaga qaytib o‘ynashda ham ancha faollik ko‘rsatdi. Eldor aynan mana shunday harakatlari bilan Italiyadagi talabchan muxlislar va sinchkov mutaxassislar e’tibori, ehtiromi va e’tirofini qozongan edi.
Germaniyadagi transfermarkt portalida qayd etilishicha, Eldor Shomurodov O‘zbekiston milliy terma jamoasida 53-uchrashuvini o‘tkazib, gollari sonini 27 taga yetkazib oldi. Uganda bilan o‘yindagi uchta gol Eldorni milliy terma jamoa to‘purarlari ro‘yxatida Server Jeparovni ortda qoldirib, to‘rtinchi o‘ringa ko‘tarilib olishiga xizmat qildi.
Hozircha, “Roma” hujumchisi o‘zbek futbolining yaqin o‘tmishdagi yulduzlari – Maksim Shatskix (61 ta o‘yin, 34 ta gol), Aleksandr Geynrix (98 ta o‘yin, 32 ta gol) va Mirjalol Qosimovdan (66 ta o‘yin, 31 ta gol) ortda qolmoqda. Lekin katta ehtimol bilan, Eldor Shomurodov yaqin yillar ichida Maksim Shatskixning rekordini yangilashga erishadi.
Shu o‘rinda, Joze Mourino Eldor Shomurodovga nisbatan munosabatini ijobiy tomonga o‘zgartirib, unga ko‘proq o‘yin amaliyoti taqdim etishi lozim, degan mulohaza bor. Chunki Shomurodov o‘ziga bildirilgan ishonchlarni oqlay olishga qodir futbolchi. Axir Temmi Abraxam Rimga kelguncha Shomurodov asosiy hujumchi vazifasini uddalab kelayotgan edi.
Mahoratli futbolchimiz A Seriyaga ko‘chib o‘tganidan keyin O‘zbekiston milliy terma jamoasi safidagi statistikasi ham o‘sishda davom etmoqda. Shundan beri, Eldor o‘rtoqlik va rasmiy uchrashuvlarda Eron, Singapur, Shvetsiya, Qirg‘iziston terma jamoalari darvozasiga bittadan, Afrika vakillari – Janubiy Sudanga ikkita, Ugandaga uchta, jami to‘qqizta to‘p kiritganiga e’tibor qaratish lozim.
Terma jamoamiz to‘purarlari ro‘yxatida navbatdagi o‘yinlarda boshqa o‘zgarishlar ham bo‘ladi. Xususan, “Navruz Cup” xalqaro turnirida Qirg‘iziston terma jamoasi darvozasiga ikkita to‘p kiritgan Igor Sergeyev gollari sonini 19 taga yetkazib oldi. Bu hujumchimiz keyingi o‘yinlarda yana bitta gol ursa, to‘purarlar ro‘yxatida Igor Shkvirin va Odil Ahmedovga yetib oladi, ikkinchi goli esa uni beshinchi pog‘onaga olib chiqadi.
Xulosa o‘rnida, Joze Mourino Eldor Shomurodovga kelasi o‘yinlarda yetarli darajada imkon berishini kutib qolamiz. Tabiiyki, “Roma” mutaxassislari terma jamoaga jo‘nab ketgan o‘yinchilar ishtirokidagi hisobotlarda Shomurodov Srechko Katanes qo‘l ostida ikkita bahsda to‘rtta gol urgani haqida Mourinoga albatta ma’lumot beradi.
Shunday ekan, janob Mourino, ko‘zingizni kattaroq oching, Shomurodov gol urishni unutgani yo‘q! “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Erdo‘g‘on Turkiya Isroil bilan aloqalarini uzganini ma’lum qildi
Tramp jamoasi rasmiylarga yoqmagan generallarni “tozalash” uchun farmon tayyorladi
Jaloliddin Masharipov: "Qatar ustidan g‘alaba qozonsak, Jahon chempionati masalasini 90 foizga hal etamiz"
AQSHda Tramp siyosatidan qochmoqchi bo‘lganlarga 4 yillik sayohat taklif qilindi
