Фото: Telegram / malvovabelova
Украинага қарши тажовузкор уруш пайтида ноқонуний равишда Россия ҳудудига олиб кетилган тўққиз украиналик бола уйларига, оилаларига жўнатилди. Бу ҳақда 26 сентябр, пайшанба куни Россия давлат ОАВга президентнинг болалар ҳуқуқлари бўйича вакили Мария Лвова-Белова маълум қилди.
«Бугун биз Россия президенти Владимир Путиннинг топшириғи билан Россияда бўлган бир гуруҳ болаларни ота-оналари ва Украинада яшовчи бошқа қариндошлари билан бирлаштирмоқдамиз. Бу 12 ёшдан 17 ёшгача бўлган саккиз нафар ўғил ва 17 ёшли бир қиздан иборат гуруҳдир. 17 ёшли қиз Қримда бувиси билан яшаган, лекин Киевдаги онасига кўчиб ўтмоқчи», — дея Россия омбудсманининг ушбу ўсмирлар билан учрашувидан кейинги сўзларидан иқтибос келтиради нашрлар.
Хабар эълон қилинган вақтда Украина болаларнинг қайтарилиши ҳақида изоҳ бермади.
Учрашув Қатар элчихонасида бўлиб ўтди
Ўтган йили Халқаро жиноий суд томонидан ҳибсга олинишига ордер берилган расмий, шунингдек, элчихонасида учрашув бўлиб ўтган Қатарнинг бирлашиш жараёнига катта ёрдам бераётганига эътибор қаратди. «Мамлакат вакиллари Украина томони билан музокараларда қатнашяпти, болалар ва қариндошларига ҳамроҳлик қиляпти, транспорт ва бошқа харажатларни ўз зиммасига оляпти», — деди Лвова-Белова.
Унинг маълумотларига кўра, Россия уруши бошланганидан бери 62 оиладан 80 нафар украиналик бола Украина ва учинчи мамлакатлардаги қариндошлари, саккиз оиладан 13 нафар бола эса Россия Федерациясидаги қариндошлари бағрига қайтган.
Ўз навбатида, Украина Миллий ахборот бюроси маълумотларига кўра, 2023 йил охирига келиб Украина Россияга ноқонуний депортация қилинган 19 мингдан ортиқ болалардан 387 нафарини қайтаришга муваффақ бўлган. Украина Олий радасининг Инсон ҳуқуқлари бўйича вакили Дмитрий Лубинец аввалроқ DW нашрига берган интервюсида украиналик болаларни Россия Федерациясига ноқонуний олиб кетиш 2014 йилдан бери содир бўлаётганини маълум қилганди. Ўшандан бери, айниқса, Россиянинг кенг кўламли ҳужуми бошланганидан кейин, депортация қилинган болаларнинг бир қисми рус оилаларига «жойлаштирилди». «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Зеленский Путин борасида баёнот берди: “Тинчликни истаганлар юзига тупурмоқда”
Путин Украинадаги объектга баллистик ракета зарбаси берилганини эълон қилди
