12-август куни Қозоғистоннинг Қарағанди вилоятида темир йўл қурилиши жараёнида жиддий бахтсиз ҳодиса содир бўлди. Қурилишда ишлатиладиган муҳим конструкция — балка синган ҳолда темир йўл йўлагига қулади. Қозоғистон Темир Йўллари (ҚТЙ) матбуот хизмати маълумотига кўра, ҳодиса иш жараёнида юз берган.
Транспорт полицияси бу ҳолат бўйича “меҳнат муҳофазаси қоидаларини бузиш” моддаси асосида жиноят иши қўзғатган. Ҳозирда тергов ишлари олиб борилмоқда.
Вилоят соғлиқни сақлаш бошқармаси билдиришича, жабрланганлардан бири оғир аҳволда реанимацияга ётқизилган, қолган уч киши эса тиббий ёрдамдан воз кечган.
Мутахассислар қурилишда хавфсизлик чораларига қатъий амал қилиш зарурлигини урғуламоқда, чунки бу каби ҳодисалар нафақат ишчилар, балки бутун темир йўл тизими учун таҳдиддир.
«Замин»ни Telegram’да ўқинг!
