АҚШнинг Миссисипи дарёси устидаги 94 йиллик Блек Ҳок кўприги атайлаб портлатилиб бузилди. Кўприк 1931-йилда қурилган бўлиб, Аёва штатидаги Лансинг шаҳрини Висконсин штати билан боғлаб келган. Иншоот марказий ёйсимон қисми ва иккита металл таянчли минораси билан ажралиб турган.
Блек Ҳок кўприги ўзининг марказий арка ва баланд металл таянчлари билан машҳур бўлган. Бироқ торлиги сабаб кўприкда тез-тез йўл-транспорт ҳодисалари содир бўлган, шунингдек, дарё релефи ва таянчлар жойлашуви туфайли баъзан юк кемалари ҳам унга урилиб кетган.
Эски кўприк ўрнига янги кўприк қурилиши 2023-йилда бошланган ва уни 2027-йил баҳорига қадар якунлаш режалаштирилган. Қурилиш жараёнида хавфсизлик сабаб Блек Ҳок кўприги икки марта транспорт ҳаракати учун ёпилган.
Янги кўприк ишга туширилгунига қадар аҳолини дарёдан ўтказиш учун сув орқали ўтиш хизмати ташкил этилади. Бу ишлар транспорт хавфсизлиги ва ҳудуд аҳолисининг қулайлигини таъминлашга қаратилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
