Американинг Висконсин штатига қарашли Кэмпбеллспорт аҳоли яшаш пунктидаги дўкондан спиртли ичимликлар ўғирлаган ўғри машинасига ўтирди-ю, газни босди. Аммо қаердан чиқди, билмайди, полициячилар ортидан қувлаб келишаётганини кўриб қолди.
Ўғри маккажўхоризорга етганда, машинани тўхтатиб, қўлидаги ўғирланган спиртли ичимликларни қўлтиқлаганча маккажўхоризор ичига ўзини урди. Афсуски, бузоқнинг югургани сомонхонагача деган гап тўғри экан. Маккажўхоризор чақадиган оқ пашшаларга тўла экан. Ўғрини талай кетишди. Оғриққа чидай олмаган ўғри уёғига қаерга қочишни ҳам билмаётганди. Қўлидагиларни ташлади-ю, пашшага талангандан кўра полициячиларга таслим бўлишни маъқул кўрди.
Ҳисоблаб чиқишса, у сўнгги бир неча ой ичида дўконлардан жами 1,5 минг долларлик спиртли ичимлик ўмарган экан.
Манба: Hordiq.uz «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг 
