Тожикистон президенти Имомали Раҳмон тантанали равишда Роғун гидроэлектр станциясининг биринчи агрегатини ишга туширди ва шу тариқа станция ишига старт берди.
Маросимда станцияни қурганлар, фаоллар, олимлар, ёшлар, меҳнат фахрийлари, Душанбедаги дипломатик корпус вакиллари ва дунёнинг турли нуфузли ташкилотлари ҳамда уюшмалари мутахассислари иштирок этишган. Шунингдек, маросимда Ўзбекистон, Россия, Қирғизистон, Афғонистон, Италия делегациялари, тожикистонлик ва хорижий журналистлар ҳам қатнашган.
Тожикистон президенти агрегатни ишга туширишдан олдин ГЭСни қурганлар билан суҳбат қурган ва улар билан бирга суратга тушган.
«Бугун бизда байрам. Барча тожикистонликлар учун чексиз байрам, чунки узоқ кутилган воқеа юз берди. Биз Роғунни ишга туширдик ва у илк электр энергияни бера бошлади. Бу сана тожик халқининг тарихига олтин ҳарфлар билан муҳрланади», деб айтган Раҳмон.
Станция қурилишида 25 мингдан кўпроқ қурувчи, муҳандис ва бошқа техник ходимлар иштирок этган. Роғун ГЭСининг барча 6 та гидроагрегати ишга туширилгач, у республикадаги Нурек ГЭСидан 1,5 марта кўпроқ электр энергия ишлаб чиқара бошлайди.
Агрегат республиканинг умумий энергетик тизимига уланган.
Роғун ГЭСи / Turon 24
2016 йил 29 октябрда Тожикистон президенти иштирокида ГЭСнинг тўғони қурилиши бошланган. Ўша куни Раҳмон булдозер рулига ўтириб, Вахш дарёси ўзанини тўсиш бўйича ишларга старт берганди.
Роғунда умумий ҳисобда лойиҳавий қуввати 600 мегаваттлик 6та гидроагретат ўрнатилади, станциянинг жами қуввати 3600 МВтни ташкил қилади. Бу эса уни Марказий Осиёдаги энг йирик ГЭСга айлантиради.
Лойиҳага кўра, ГЭС тўғонининг баландлиги 335 метрни ташкил қилади. Эътиборлиси, лойиҳа якунига етказилгач, ушбу тўғон ўз туридаги дунёдаги энг баланди бўлади.
“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Ҳарбий хизматдан қочган 30 дан ортиқ украиналик чегарани кесиб ўтишга уриниб, ҳалок бўлди
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Биологик фаол қўшимчалар мутлақо зарарсизми?
Турк сериаллари юлдузи Демет Ўздемирнинг Истанбулдаги шинам вилласига саёҳат
Украина 300 мингта дрон сотиб олиш учун пул ажратади
Соф қуйма олтин сотаётган шахслар қўлга тушди
Кўп квартирали уйларда «квартплата»нинг энг кам миқдори тасдиқланди