Lenovo компанияси ўзининг флагман ThinkPad P16 Ген 3 иш станцияси конструкциясини ўзгартирди. Янги моделда корпус қаттиқлигини таъминловчи ички магний каркасдан фойдаланилмайди. Бу ҳақда Ixbt.com хабар беради.
Бу ўзгариш орқали компания 2006 йилда ThinkPad T60 моделидан бошланган узоқ йиллик анъанага якун ясади.
Магний каркас узоқ вақт давомида ThinkPad П сериясининг асосий хусусиятларидан бири бўлиб келган. У ноутбукнинг мустаҳкамлигини ошириб, кундалик профессионал фойдаланишда юкламаларга бардош беришга ёрдам берган.
Мобил иш станциялари учун бу жуда муҳим саналади, чунки улар кўпинча мураккаб шароитларда ишлатилади.
Эндиликда Lenovo қурилма қалинлиги ва ўлчамларини қисқартириш йўлидан бормоқда. P16 Ген 3 моделида экран атрофидаги қўшимча магний рамка бевосита асосий рамкага ўрнатилган конструкция билан алмаштирилди.
Компания бу қарорининг аниқ сабабларини маълум қилмади, бироқ бу ишлаб чиқаришни соддалаштириши мумкин.
ThinkPad П серияси ҳамон энг қиммат қурилмалар қаторида қолмоқда. P16 Ген 3 моделининг таянч версияси қарийб 3000 доллардан бошланади.
Intel Cоре Ultra 9 275ҲХ ва Nvidia RTX Pro 5000 Блаcкwелл ўрнатилган энг юқори конфигурация нархи эса 9500 доллар атрофида баҳоланмоқда.
Read “Zamin” on Telegram!
