2016 йил Show TV каналида эфирга узатилган Kış Güneşi («Қиш қуёши») фильмидаги Эфруз роли билан такрор экранга қайтган Несрин Жавадзаде бугун нафақат Туркияда, балки турк сериалларининг бутун дунёдаги ишқибозларига ҳам яхши таниш. Ўзбекистонлик томошабинлар Несринни «Қора ният» сериалидаги Шаҳика образи орқали яхши билади. Қуйида Несрин Жавадзаде ҳақидаги маълумотларни тақдим этамиз.
Несрин Жевадзаде 1982 йил 30 июлда Озарбайжонда туғилган. У асли бокулик бўлишига қарамай, ҳозирги пайтда Туркиянинг машҳур актрисаларидан бири. Болалигида ота-онаси билан Истанбулга кўчиб келган Несрин ўрта маълумотни пойтахтда олади. Кейин Мармара университетининг Телевидение ва кино факультетига ўқишга кирди. Дарслар давомида ўқитувчилари Несриннинг истеъдоди ва шижоатини пайқади ва унинг актёрлик соҳасини танлаганини жуда тўғри деб баҳолашди. Бўлажак актриса турли кастингларда қатнаша бошлади. Несриннинг илк дебюти 2004 йилда суратга олинган «Сув устида сайр» фильми эди. Уч йилдан сўнг актриса кўп қисмли «Уйсиз» сериалида пайдо бўлди.
Фото: Hurriyet
Жемал Шан режиссёрлигидаги «Дилбарнинг саккиз куни» фильми Несринга катта муваффақият олиб келди. Актриса айнан ушбу роли учун Анталия кинофестивалининг «Олтин апельсин» мукофотини қўлга киритди. «Хавфли севги» телесериалида ижро этган образи Жувадзадени нафақат Туркия, балки бошқа мамлакат кино мухлисларига ҳам яқиндан танитди.
Несрин Жавадзаденинг фильмографиясида 8 та сериал, 11 та тўлиқ метражли фильм бор. Актриса 2008 йилда Бурса шаҳрида ўтказилган «Ипак йўли» фестивалида «Энг яхши актриса» номинациясини ҳамда «Дадас» мукофотини олган.
Актриса Несрин режиссёр Эрол Минташнинг биринчи тўлиқ метражли «Онамнинг қўшиғи» ва уруш ҳақида ҳикоя қилувчи «Сўнгги мактуб» фильмидаги роллари билан 51-«Олтин апельсин» кинофестивалида «Энг яхши аёл актриса» номинацияси ғолиби бўлган.
Фото: Anadolu АА
Жавадзаденинг шахсий ҳаёти ҳақида маълумотлар кам. Яқинда фотомухбирлар Истанбулдаги савдо марказида актрисани севгилиси билан бирга суратга олган. Аммо улар турли томонга кетиб, бир-бирини танимасликларини таъкидлаган.
Несрин «Қора ният»даги «ашаддий душманлари» — Йилдиз ва Эндер билан ҳаётда яқин дугоналар. Актриса Instagram’даги саҳифасига улар билан тушган суратларини тез-тез жойлаб туради.
Несрин Жавадзаде ҳақида қизиқарли фактлар:
- Актриса озарбайжонлик таниқли академик Мирмамед Жавадзаденинг набираси;
- Ёзнинг иссиқ кунларида онаси билан денгизда сайр қилиш унинг хоббиси;
- Ёқимли совунларни ҳидлашни ёқтиради;
- Рус, инглиз ва француз тилларида гаплаша олади;
- 7 та фарзанди бўлишини хоҳлайди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Ўзбекистонда зилзилага тайёргарлик кучайтирилади
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
Сирдарёда бюджетга жуда кўп миқдорда зарар етказган майнинг ферма аниқланди
Қондаги шакар миқдорини тартибга солувчи фойдали мева номи айтилди
