Россия Кубкасы доирасида «Краснодар» яримҳимоячиси Никита Кривцовнинг голни нишонлаш пайтидаги ғайриоддий ҳаракати унга қимматга тушди. «Оренбург» дарвозасига 4-дақиқада гол урган футболчи майдонда Ўргимчак одам ниқобини кийиб олди — натижада ҳакам дарҳол сариқ карточка кўрсатди.
Клуб бош мураббийи Мурад Мусаев айтишича, Кривцовга ички тартиб бўйича жарима ҳам қўлланган. Футболчи ўз хатти-ҳаракатини тан олиб, жамоадан узр сўраган.
«Краснодар» учрашувни кучли тарзда якунлади — 4:0 ҳисобида ғалаба. Аммо Кривцовнинг ниқобли шодонлиги унга қимматга тушди: футболчида аввалдан ҳам бир сариқ бор эди ва энди у ярим финалдаги ЦСКАга қарши биринчи ўйинни ўтказиб юборади.
«Озон Арена»даги ўйин мухлислар учун том маънода шоу бўлди, лекин Спайдермен шодиёналиги футбол қоидаларида ўрин олмагани яна бир бор исботланди.
Читайте «Zamin» в Telegram!
Посетители, находящиеся в группе Гости, не могут оставлять комментарии к данной публикации.
